林峯被踩似「街邊阿叔」後孖吳奇隆合照力證顏值 網民：仲衰！
廣告
近年主力北上發展的43歲林峯，喺內地大受歡迎。通關後回港探親時，其後合照曝光，點知一曝光，就被狠批似街邊阿叔，顏值似乎大跌Watt！近日佢同吳奇隆喺微博晒出合照，執返個靚仔樣，似乎想力證顏值，點知又再被狠批過份皮光肉滑，似膠面人！
林峯被指老過吳奇隆
吳奇隆日前在微博晒出數張與林峯的合照，並寫上：「跟著林峯走…麵食不離手…」 並Hashtag他所拍的節目《追星星的人》。高清鏡頭下，吳奇隆與林峯都顯得十分皮光肉滑，讓不少網民大讚兩大男神好似食了防腐劑一樣，尤其52歲的吳奇隆Keep得勁好！
手上皺紋出賣真實年齡
但也有網民狠批43歲的林峯看著竟比52歲的吳奇隆還要老，也有網民指兩人面上雖然好光滑，但真實年齡就被手上的皺紋出賣了，又狠批兩人面容都太膠：「磨皮美顏有點過了哦」、「美顏開太大了」、「雖然臉P得很年輕，但是狀態和手都很顯年齡」等等。
重溫林峯慘被好友出賣合照 被指眼腫面漲似中佬樣
林峯早前難得回港與好友吳卓羲相聚，自然感到興奮搭膊頭影相，唯隨後有人將合照上載到小紅書，網民似乎對於林峯落妝嘅樣貌感到失望。
照片中林峯樣貌明顯滄桑，同以前無綫年代的小鮮肉形象，完全判若兩人。林峯近年決心走型格中佬路線，留住中分嘅長髮，鬚根遍布滿面，完全擺脫以前嘅青靚白淨。不過林峯似乎當日不在狀態，在未有化妝之下，顯得眼腫面脹，髮線仲疑似向後移，難怪網民都認為林峯近年顏值跌入谷底，更指其外貌，同街邊阿叔無分別，更直接反問林峯：「你這髮型是真的嗎？」
林峯難得回港過年 一家大細探訪迪士尼勁興奮
林峯今次難得回港，除咗同吳卓羲搭晒膊頭影相外，據知飯局現場仲有謝天華同蔡一智。而謝天華亦有在小紅書上載感言，指難得同舊朋友相聚感到開心。
除咗見返舊朋友，林峯亦有帶家人到訪香港迪士尼，將點滴上載到小紅書分享。佢哋一家三口加朋友戴住口罩合照，但依然清楚見到林峯笑到四萬咁口，睇來林峯好享受同老婆仔仔一齊嘅時光！
