林子博：多謝老婆為我塑造好爸爸形象！為兒子申請升中派位一頭煙 驚覺亡妻早有準備

撰文：Andy｜圖片：林子博 Facebook截圖｜編輯：海月

林子博：多謝老婆為我塑造好爸爸形象！為兒子申請升中派位一頭煙 驚覺亡妻早有準備

林子博在Facebook表示自詡是個稱職爸爸，甚至比太太做得更出色。他坦言自己為子女奉獻咗好多，事事親力親為。如家長日見老師、為子女申請證件、搵學校等。但而家先發現原來我呢個所謂嘅稱職，由始至終都係由太太Shirley一手造就出嚟。

林子博話，現在沒有人提他子女的證件何時到期，家長日是哪一天，甚至重要文件擺放位置，現在這些東西對他來說根本「一頭霧水」。

當他為囝囝準備升中自行派位申請時才發現太太原來早已將子女由幼稚園開始嘅所有成績表、獎狀、證書「keep起」，仲整理得井井有條。

林子博直言：「方便我呢個所謂嘅稱職爸爸，拎起個File就行得！唔使『揦手唔成勢』！老婆～多謝你一直為我塑造呢個好爸爸形象，默默喺背後容許我人前認屎認屁！ 其實妳先係一個最稱職、最偉大嘅媽媽！」

林子博Facebook 原文：

《中一自行分配學位》

一直以嚟我都以為自己係一位稱職嘅爸爸，甚至比我太太做得更多、更出色！因為好多關於子女嘅事都係由我親力親為，如家長日見老師、為子女申請證件、搵學校等等…..

但而家先發現原來我呢個所謂嘅稱職，由始至終都係由我太太一手造就出嚟！因為冇人再提住我幾時證件到期？家長日係邊一日幾點鐘？重要文件擺喺邊？我根本「一頭霧水」。

而家正值係「中一自行分配學位」交表時間，要喺兩個禮拜內幫卓楠交表去佢心儀嘅中學，除咗每日要提住自己要快啲交表之外，當要搵個仔過去呢幾年嘅成績表時，先發現太太原來早巳將子女由幼稚園開始嘅所有成績表、獎狀、證書「keep起」，而且仲一張一張咁整理得井井有條，方便我呢個所謂嘅稱職爸爸，拎起個File就行得！唔使「𢲡手唔成世」！

老婆～多謝你一直為我塑造呢個好爸爸形象，默默喺背後容許我人前認屎認屁！

其實妳先係一個最稱職、最偉大嘅媽媽！

網民紛紛為林子博打氣

網民得悉呢個故事之後，紛紛留言鼓勵林子博，亦讚Shirley細心。