林俊傑演唱會丨大陸網民唔接受Stanley道歉 鬧上微博熱搜 搞埋投票！
廣告
林俊傑演唱會丨早前台灣歌手林俊傑JJ喺香港中環海濱舉行6場《JJ20世界巡迴演唱會香港站》，去到第3場時傳出本搵嚟男團MIRROR任表演嘉賓，點知MIRROR被臨場被「彈鐘」的消息，後來成員陳卓賢更unfollow前輩JJ，事件惹來外界高度關注。雖然Stanley已出面澄清，但事件發酵得愈來愈勁，除咗令台灣JJ粉絲不滿之外，大陸網民似乎唔多滿意，全面進攻Stanley 邱士縉IG，仲鬧到上小紅書同微博熱搜，引起罵戰！
林俊傑演唱會丨大陸網民全面進攻Stanley IG同鏡粉起罵戰
大陸網民對於Stanley 邱士縉IG po出的「JJ演唱會合照」相當不滿，雖然Stanley已出面澄清及道歉，但仍不斷留言大鬧，仲話MIRROR係「蹭JJ熱度」，又大踩MIRROR自視過高等許多難聽的說話「紅不過羅湖，內地誰認識你們啊」「這個團成頂流了…這時代太瘋狂了」「多虧林俊傑給你們熱度啊」「JJ真的太善良，你們到底算什麼dx啊，沒有名氣就算了，還不尊重前輩，能不能先學做人吶」「長成這樣還男團？」「給JJ提鞋都沒資格」「哪裡來的八十線鄉村非主流男團？不是因為JJ我都不知道有你們。」因為大陸網民的狠批，隨即又引發起與鏡粉的罵戰「真心唔想鏡仔越過羅湖，嗰邊太烏煙瘴氣喇，直接跨過去更好，世界各地鏡粉等緊你哋嚟㗎」「人哋都冇去內地發展都，你哋大陸人冇人認識係唔重要」「大表哥唔洗驚呀！嗰啲話咩出咗香港邊個識你哋嘅人唔洗理！佢哋唔知鏡粉係遍布全世界！同埋我哋都知道你哋根本就冇「耍大牌」！真心愛Mirror嘅鏡粉都好清楚你哋每一個都好珍惜同重視每一個表演機會，今次錯不在你哋。謠言止於智者」
林俊傑演唱會丨大陸網民分析香港人唔鍾意帥哥
MIRROR此事引發好多唔同的討論，仲有大陸網民表示不明點解香港人都鍾意啲唔靚仔的藝人，指香港其實有好多又靚仔又有實力的藝人，例如自己曾經被周柏豪驚艷到，讚嘆周柏豪好有「香港帥哥的味道」，所以不解點解mirror係點生存到。香港網民對於大陸網民呢番見解意見兩極「唔係幫Mirror，但JJ咁嘅樣，佢啲fans好意思鬧人樣衰咩」「初頭聽周柏豪既歌都覺得佢幾靚仔 算係咁」
圖片來源：weibo截圖、IG＠stanleysc_
