林作發公開信挑機疑似麥明詩新男朋友 網民：阿作呢次做多咗！
廣告
麥明詩（3日）被爆出同前國泰港龍航空副機師盛勁為拍拖，2人雖未回應戀情，但男方參加《衝上雲霄大選》已開始傳緋聞，近日仲被捉到甜蜜遊日。最愛抽水的林作都無放過呢次機會，即出公開信挑戰麥明詩新男朋友！
林作公開要同對方打擂台
而盛勁為外型高大俊朗，相比起麥明詩前度林作高大不少，更有安全感。而林作自稱「抽水王」，知道麥明詩拍拖，少不了衝出嚟抽水，他於IG打了一段千字文，寫道：「本人正式身高為171CM，高過一般矮仔如167鍾賠生（鐘培生）足足4CM, 不算矮仔！但事到如今，我唯有發出公開挑戰書：本人現向（我唔識佢，上網話佢做保險嘅）盛品儒（盛勁為）發出公開挑戰：上擂台打番場，睇下高挑鬼命嘅你定係好似阿根廷烈山度馬天尼斯嘅我好打啲！」
林作稱贏咗對方要加入佢團隊
林作也不忘借此宣傳，表示對方打贏的話，便會加入他的保險團隊 ，「留意，本人入行三年來連續三年COT，連續兩年全公司最強招募經理，目前官至區域經理，樓下85人團隊，要買我同我條team過黎轉會費會係天價，估計你未必俾得起，仲未計#林作保險呢個全港頭五名保險品牌hashtag的商業價值。光明頂幫我計過，可能值錢過一啲細保險公司個名。輸給我，你帶埋你兄弟姐妹（我唔識嘅，上網話你全家做保險），全部加入我團隊。轉會費估計冇我咁貴，貴都唔緊要，我自己同我老母有。大家win win。」
睇埋麥明詩其他泳裝照：
麥明詩大解放出席品牌活動失手著錯衫？
10A港姐麥明詩經常被指夠貼地，而甚得民心，日前她獲邀出席活動，席上歎美食貴酒，出席嘉賓還有陳凱琳、「微辣」多姐、蔣怡、馬天佑等，大家均以橙、紅色dress code主題現身。麥明詩穿上低胸吊帶裙花裙現身，大晒事業線，十分搶鏡，卻被網民批評她高級餐廳宣揚香港情懷、向茶記致敬，不太適合…詳情請看
