林作挑戰陳凱琳細佬父子出一百萬求驗DNA 網民激罕撐：好想知個答案﹗

陳凱琳自細被誤以為是混血兒

陳凱琳同龍鳳胎細佬Derek由細到大輪廓深，經常被誤以為是混血兒，陳凱琳細佬Derek更因皮膚黝黑而被指似印巴籍人士﹗而陳凱琳父母樣子都是純正香港人，大家姐外貌似足父母跟陳凱琳姊弟完全唔似樣﹗

陳凱琳細佬貼父子合照引熱議

在父親節當日，陳凱琳細佬Derek貼出與父親的合照，複製兒時的照片，不過陳父倒轉坐在兒子大髀並啜手指公，Dererk留言祝父親節快樂，更搞笑指父親「你真的長大了很多，很為你感到驕傲﹗」一個溫馨po卻引惹起極大爭議，網民焦點卻落在二人外貌上，直指父子似不同國籍，驚訝Derek好似外國人﹗

林作吼準機會抽水求驗DNA

陳凱琳父親和細佬Derek父子合照不但在網上引起熱討，更被林作吼準機會又抽水，揚言出一百萬港幣向Derek 發出挑戰，希望能驗證其父子DNA，更指是今次舉動是為公義，因為多年來冇人敢企出嚟喎﹗林作一出挑戰書即引起很大迴響，負評王林作，竟然獲不少網民力撐，支持他的行動，紛紛留言：「雖然好PK，但真係好想知個答案﹗」、「林作次次都抽水，不過今次呢個水抽得好，唯一一次撐佢﹗」、「作仔小心又被大台告呀﹗不過今次係為大家謀福利啫﹗」等等﹗

其後林作再留言指「唔好再喺度話我多管閒事，我淨係問你兩句：第一，佢哋係公眾人物，係，就有公眾利益，也必須承受被人指指點點，我都係市民一個﹗第二，老老實實，想唔想知先？﹗」有網民留言鬧佢多管閒事，林作都親自回應反駁﹗

陳凱琳母親自解開謎底：14、15歲突然眼大臉尖﹗

陳凱琳媽媽Connie之前曾接受車淑梅的《舊日的足跡》訪問，親揭一對龍鳳胎似混血兒的真正原因。陳凱琳媽媽指龍鳳胎與大女完全唔同樣咁回答：「其實 Grace 同 Derek 龍鳳胎出世嗰時同大家姐一樣好白淨，但突然喺 14、15 歲嘅時候眼大咗、臉尖咗，阿仔鬚根又多咗，可能我媽媽係馬來西亞人，擁有亞裔血統，加上佢哋細個又鍾意戶外活動，又或去加拿大讀書時，嗰度嘅食物有好多荷爾蒙啦﹗」

陳凱琳大家姐似港女 姊妹唔似樣引妒忌？

陳凱琳曾提過大家姐對被指唔及港姐冠軍細妹靚一事好介懷，陳凱琳媽媽Connie爆Grace自細好貪靚：「大家姐 Joyce 比較運動型、率性、唔計較，係好柔和嘅人。相反 Grace 3、4 歲開始一定要著裙出街，有一次去海洋公園，佢堅持著裙否則寧願唔去，結果佢真係選擇留喺屋企。坦白講，大女Joyce 14、15 歲進入青春期，我真係問過佢『如果有人話妹妹靚過你，你會唔會唔舒服？』Joyce 說唔會：『佢(Grace)係我妹妹，每個人都靚，只係角度唔同，其他人唔可以用外表去分裂我哋姊妹，否則我會將話題中止。』」