林作支持禁足 響應全城搶購熱潮 超市真「血拼」為搶物資流晒血

支持禁足、流血收埸

傳出禁足嘅消息之後令全城恐慌不斷，各大超市、街市，只要有食物、物資賣嘅地方都俾人搶都空空如也。網紅林作亦響應潮流，帶上女朋友同埋傭人一齊到超市搶物資，林作表示佢有封城嘅準備，支持禁足，覺得禁足可以為全城帶嚟重新，不如一齊痛痛快快禁幾日足。最後佢喺超市搶咗約＄4,000幾嘅「戰利品」，因戰況激烈嘅關係，仲整襯手，搞到隻手流晒血，有受過專業拳擊訓練嘅林作都獲得如此下埸，睇嚟市民都要更加小心。

網民留言叫佢講吓買咗乜嘢同埋問可唔可以claim保險。

林作仲提醒市民無須過於恐慌，太古城嘅超市仍見到大量嘅食材。

大量蔬菜供應量充足。

杯麵同公仔麵仍有好多選擇。

經過林作一番嘅市場分析後，發現避孕套係無人搶購嘅物資，認為要好好檢討，同埋表示：「本人為港人近期的幸福生活感到擔憂。」

網民表示佢講咗出嚟好快就俾市民搶晒。

林作對香港嘅關心度非常充足，緊貼熱潮，希望佢早日康復。