18歲仔仔跟林作搵食3個鐘賺2萬 IG大曬「成功」故事
18歲仔仔跟林作搵食3個鐘賺2萬 IG大曬「成功」故事
18歲仔仔以「18歲 你會係邊 做梗咩？」為題去發表個人的成功故事，其全文如下（為方便閱讀，已加入標點符號）：
「18歲，你會係邊，做梗咩？」
呢個問題，唔同人會有唔同答案，但我肯定離唔開玩同埋錢
18歲嘅我，都係貪玩，想搵大錢，但係空口說白話冇意思
我曾經貪黑起早，番跟車，番貨倉，以勞力同努力換金錢，但係以時間換金錢，大概係一樣最蠢嘅事
係sem break嘅時候，有一刻我係貨車上面，受夠付出同收入唔對等嘅生活，而我見到@jolaminsuranceinternship program，可能唔少人對保險有負面嘅睇法，但我覺得，保險點都比做咕喱好吧
由第一日面試到入職，我唔想講任何虛情假意嘅說話，但我上線XXX同林作@jolamchok的確幫做我好多 一方面明白到保險係有原則，唔係用上一代壞手勢嘅方法去做，另一方面，裝備好自己，好好打拼自己嘅一番成就
好好彩，最後我用三日，得到左20k 嘅收入， 唔算好多，但無可否認，只要肯做，的確搵到錢，搵到大錢，唔係時薪$50 $100 ，而係三日 三個客，total3個鐘嘅meeting，我得到20k(~$6500/hour) 。That’s what I call MONEY FXXKING MULA
所以我決意努力做好自己嘅保險業務
以上只係搵大錢，加入 XXX嘅團隊，令我體驗到我18歲發夢都夢唔到嘅生活
當我努力過後， as a team 食一餐好嘅絕對唔會少， 但以下嘅體驗， 係同我以往嘅經歷係兩個次元
K11 大部分人唔會陌生嘅商場，但18歲嘅我唔知8樓members only 嘅Gentry Club 我可以踏入 ，我手上唔再係$62蚊嘅香煙 而係$7000蚊起跳嘅San Cristóbal de la Habana 嘅雪茄(最簡單我冇諗過可以室內吸煙lol) ，食飯飲嘅唔係幾十蚊嘅藍妹， 而係$6000蚊嘅茅台， 而呢一切都係我揀左保險， 揀左努力， 我可以 ，個個都可以
而食飯未能滿足我地team嘅風氣 ，向生再帶我到Rosewood 55樓嘅Carlyle&Co. ，當係55樓望出去，我耳邊聽到嘅係「努力d 俾心機 有一日你可以打拼你嘅天地。」，呢一下我明白到，我揀保險， 的確有錢 有得玩，而今次，我真係付出幾多得到幾高， 唔只係錢 ，但有地位、 權勢。 而且保險唔係打工。 WE ARE THE FXXKING BOSS UNLIKE THOSE WORKER.18歲，我享受梗3日$20k。
18歲，我享受梗private club嘅快樂。
18歲，我享受梗55樓俯視香港。
我可以好自豪嘅講 我係林作保險一分子。
最後有任何關於保險，無謂（論）個人疑問，定加入我地，無任歡迎。
瘋狂曬命引熱議
18歲仔仔的千字文告白中都彰顯了自己成功的故事，當中更是大曬用3個鐘的Meeting就賺取了2萬收入，又指自己的身份變得比以前高級，生活水平都得到不少改善，又指自己目前和以前是「經歷係兩個次元」。其故事一出都引起網民熱議。
網民取笑「井底之蛙」
唔少網民都忍唔住對其嘲笑一番，留言直指：「笑死，錯字又多grammar又錯，仲要夾硬塞啲英文落去自暴其短，教育水平咁低難怪要做保險」、「你中文又唔識英文又唔識思想又咁幼稚，邊個敢搵你買保險」等等，亦有網民認為仔仔仍然是一名「井底之蛙」，形容3小時搵2萬其實也並非一個大數目。
