林二汶首次紅館個唱拖實姜濤：呢啲就係中女歌手嘅福利！最受歡迎男女歌手同台演唱

撰文：Lmc｜圖片：林二汶＠Facebook、姜濤＠IG、keungshowhkfanclub＠Youtube、趙祥誠＠IG｜編輯：海月

林二汶唱《搖到外婆橋》送給婆婆

林二汶今次選了在Ellen生忌開個唱，有非凡意義。她唱到《搖到外婆橋》時，提到剛好收到紅館檔期落實的消息時，正是婆婆離世之時。林二汶講到：「我最後同婆婆講『你個孫真係開到紅館啦，佢好叻呀，你唔使擔心啦。』我忽然明白點解無啦啦褲袋入面有張紙巾，《搖到外婆橋》送畀喺天上面嘅婆婆。其實面對生離死別，無論你做得幾好，你都唔會準備好，你永遠唔會準備好。」

Ben擔任嘉賓表演招牌「折骨舞」

另外，林二汶又將《True Colors》獻給《全民造星III》A組學員，趙祥誠（Ben）又擔任嘉賓，與林二汶合唱《People Like Us》和《超友誼》外，又表演招牌「折骨舞」，贏得全場掌聲。

趙祥誠在IG提到：「細細個嘅時候 我完全冇唸過會上到紅館… 多謝您 A組的爸爸 @lam2 ！ 認識到您 係我嘅榮幸❤，冇您我唔會有今次機會表演比大家睇 我會好好珍惜所有野，會繼續努力落去。」林二汶果然十分愛錫A組，連自己個唱也會想到他們，十分難得。

姜濤驚喜出場　林二汶：呢啲就係中女歌手嘅福利

不過全場最驚喜，一定是姜濤驚喜出場。二人剛奪得最受歡迎男女歌手，今次同台演出，更是非常難得的一刻。林二汶唱完Don Don Donki主題曲《Miracle Shopping》後，姜濤突然驚喜亮相，林二汶拖實姜濤，搞笑提到：「呢啲就係中女歌手嘅福利，博呢啲小鮮肉嘅懵，你睇下台下面啲姐姐幾羨慕我！如果我有少少遠見，我係生得佢出！但係我選擇咗入行，冇生仔，所以我冇做到佢媽媽。不過我哋相隔兩個十年，但係喺同一個時間攞到一個大家送畀我哋嘅獎，好多謝你哋。」二人合唱了《《蒙著嘴說愛你》《非常夏日》》和，一眾觀眾報以掌聲和尖叫聲。