東方昇評移英港人惹熱議 網民:終於有人夠膽寸班「新移民」
東方昇英國遇見勁多港人: 好震撼!
東方昇去年到英國拍攝《國家級任務》,並訪問已移居英國的「啱Channel」創辦人混血肥仔。事隔一年,混血肥仔稱受到東方昇的說話點醒,近日回港探親兼搵東方昇「吹水」,東方昇提到英國之旅的感受很強烈,見到港人數目之多在當地更用震撼來形容!
![東方昇 東方昇到英國訪問混血肥仔夫婦!](https://imgs.nmplus.hk/wp-content/uploads/2022/09/bb969dc5-a253-4c31-937e-ad8aad7c870e_1875183125631568a2d71bf.jpeg)
東方昇稱移英港其實在安慰自己
東方昇續說當時四出訪問不同港人,給他最強烈感覺是移英港人,過得並非他們口中的好,只是在說服自己:「嗰啲移咗民嘅港人不斷咁同我講,講英國嘅生活有幾咁好,不斷講不斷講不斷講,其實我已經聽到有啲麻木咗,因為對方不停重複,嗰刻感覺係咩?佢其實係講畀自己聽,要話畀自己聽移民呢個決定係啱嘅,而唔係講畀我聽,其實佢心裡一定有少少質疑自己嘅選擇,但佢要說服自己係啱嘅決定!」
![東方昇 東方昇指移英港人不停講當地生活幾咁好﹗](https://imgs.nmplus.hk/wp-content/uploads/2022/09/3251b991-ddcd-4819-8e1e-2b65e01d0f55_19418434466315695d4e991.jpeg)
不應比較移英與在港生活:只係呃自己!
其後東方昇不同意移民後跟香港生活去比較,因為完全無意義,只係呃自己,「好似女朋友咁,無理由將現任同前度比較,係一個選擇嚟,冇得比較,咁你咪唯有全心全意去愛新嗰個囉!」
![東方昇 東方昇用愛情來比喻,指唔應該比較生活,認為只係呃自己!](https://imgs.nmplus.hk/wp-content/uploads/2022/09/aef38a53-0a33-4b46-b7d4-61c784030197_64546572763156a63a2bca.jpeg)
網民:東方昇話喺英國被歧視!
東方昇對移居港人的言論引來熱討,有網民更在討論區開帖「東方昇好認真咁串移民X」,網民火速留言撐「好少見東方昇咁認真!」、「Feel到東方昇講到好燥底」、「東方昇講得好啱,要同人講香港嘅唔好,去合理化自己移民,反話番留喺香港嗰班係港豬,終於有人夠膽串嗰班新移民!」、「東方昇有講話去英國覺得比人歧視唔舒服,所以唔會想喺英國生活,係移民嗰班人被人踢爆又唔鍾意啫!」、「東方昇叫啲人移咗民唔使不停吹奏幾咁好,明眼人都知做緊二等公民!」、「串緊啲日日話英國間屋幾大,啲嘢幾平嗰班人!」等。
![東方昇](https://imgs.nmplus.hk/wp-content/uploads/2022/09/cab4f435-51b5-473e-9aa8-96fa9df8e45d_148063781863156b002d553.jpeg)
網民: 大家誤會咗東方昇!
東方昇被網民指敢言,去批評移英港人,但亦有網民指大家誤會咗東方昇,「佢係話某部分人去咗英國就不停催眠自己有幾好,唔係串晒所有移民!」、「佢講嘅係事實,唔係寸,只係講個真實幾可悲,移民與留低,沒有誰被誰清高!」、「佢講時好激動,唔係燥底喎,係想講啲人其實係被迫移民其實好鍾意香港!」
![東方昇](https://imgs.nmplus.hk/wp-content/uploads/2022/09/25d4cfcd-45d2-4e7d-81ba-9a036c0b6403_115375533763156b694988d.jpeg)