東張西望｜女律師屋企廁所天花漏水要擔遮 攝影師視覺令網民錯重點！
廣告
《東張西望》係今年3月就報導過住係黃埔花園嘅一對律師母女長期深受天花漏水問題，而洗手間更係重災區，天花漏水之外去年甚至會停電，搞到兩母女要係摸黑去廁所仲要「擔遮」，相當誇張引起社會極大迴響。而日前事件再有新進展，不過網民似乎錯重點，究竟發生咩事？！
女事主多次向食環處投訴未果 樓上單位屋主背景勁猛料！
女事主就向《東張》節目組表示，多次向食環處投訴樓上單位漏水問題，導致屋內停電，唯問題一直未有改善。據了解，樓上嘅住戶背景都好猛料，係一位社會上享負盛名的骨科名醫潘醫生，雙方同樓上單位就天花漏水問題拉鋸至少一年。食環處回應女事主漏水問題，就表示潘醫生屋內主廁係有滲水問題，加上客廁係做儲物室，所以完全無處理客廁漏水問題。其後食環處之後出一封名為《妨擾事故通知》信俾潘醫生，指需要係3月31日前完成修復工程。但當時女事主屋企天花濕度仍然係99%，對於食環處只對樓上單位主廁就檢測感到不解。
女事主全家電力靠廚房一盞燈 網民關注事件但錯重點
事件到最後女事主屋企嘅電力只能靠廚房微弱嘅燈光，而廁所嘅牆上因爲滲水太過嚴重，導致出現多道裂痕。到日前事件再有新進展，食環處終於到樓上單位客廁做檢測，網民都十分關注事件，但同時都錯重點！
攝影師瘋影短裙小背心 獲網民大讚做到嘢
講嘅就係任職律師嘅女事主身穿短裙加蕾絲邊小背心上鏡，引起唔少網民留意，加上攝影師取景角度有時「高低炒」，甚至有一幕鏡頭係影住女事主心口同close up對腳。有網民諷刺女事主咁著都係想大家企係佢嗰邊，先係真正贏家。亦有網民留言話好唔「專心」咁睇完成個環節，大讚攝影師同導演做到嘢，完全知道觀眾想睇咩咁話！
關鍵詞
東張西望
圖片來源：YouTube@ 東張+截圖資料或影片來源：YouTube@ 東張+
