東張西望｜女神梁敏巧自爆上位唔介意全裸 公開最愛體位兼情史？！

「東張女神」開設個人YouTube頻道 與粉絲互動

2019年參選香港小姐的梁敏巧（Maggie），上年7月加入《東張西望》後被派做外景主持，集集出動貼身衫突顯火辣身材的Maggie好快受到網民的關注，28歲，5呎7吋高，32C、23、34的Maggie再喺社交網站大派福利，被封為新一代「東張女神」。近日佢喺YouTube開設個人頻道，要同粉絲增加互動，大玩你問我答！Maggie表示好多都係男粉絲的關係就邀請咗佢男性朋友Jetso嚟代粉絲講出問題，問題大都非常敏感刁鑽，不過都無難到Maggie仲非常大方答晒！

大講性事 答案特別 最想拍床戲男藝人係胡楓

一開始已經問「會唔會考慮影尺度大啲嘅相」，原來Maggie直言唔單只影「尺度大啲」，全裸都無問題！不過佢就認為要睇件事「cheap唔cheap」，只限基於藝術成份的相。後來有粉絲大膽問Maggie最喜歡咩性愛體位，佢即埸搵咗隻公仔做示範，雖然因為怕黃標而打咗格，但個答案竟然係「金雞獨立」，都幾特別！跟住再追擊問「搞過幾次嘢？」Maggie表示點會記得！「你要我數就真係唔知點數，你唔會搵本簿Mark低嘛！」不過指男朋友就只有3個。後來被問到最想同邊個男藝人拍床戲，Maggie的答案竟然係「胡楓叔叔」，Jetso當堂聽到都呆一呆，問Maggie係咪想搵啲比較有經驗的男藝人？Maggie就補充床上面可以捉吓棋、傾吓計，好多嘢可以做，被Jetso即讚轉數快！後來Jetso繼續追問落去，答案竟然係「5億駙馬」黎諾懿，仲表示係佢嘅幻想對象，因為黎諾懿感覺好溫柔，估唔到Maggie咁大方答晒粉絲啲難題！

網民：竟然咁大膽！

唔少網民睇完偏好評，認為Maggie的答案相當大膽敢言，好多藝人都會直接迴避呢啲咁敏感的問題。亦都表示對Maggie了解多咗，覺得佢為人好真，唔做作，睇嚟Maggie今次玩你問我答非常成功！

梁敏巧靚相：

想了解更多睇片啦！