東京奧運｜吳諾弘花劍團體賽表現出色成搶分王 人氣拍住張家朗！童星出身曾演出多套劇集 讀完中五休學做全職運動員
撰文：八卦妹｜圖片：新傳媒圖片、TVB劇照、吳諾弘Facebook及IG（部份相片由受訪者提供）、廖碧兒IG、郭可盈IG、FIE Facebook專頁｜部份原文刊於：SundayKiss、東方新地
東京奧運｜吳諾弘見證師兄張家朗奪金
張家朗在東京奧運奪金後，他的奧運之旅仍未結束，張家朗得金後表示不會因個人賽得金牌後而放鬆，因為今朝有花劍團體賽中盡力和隊友出戰。與張家朗並肩出戰「男子花劍團體賽」還有隊友包括蔡俊彥、張小倫及吳諾弘。21歲的吳諾弘童星出身，所以大家都會覺得好熟面口﹗
東京奧運｜吳諾弘望與師兄為港爭牌
吳諾弘出戰東京奧運前，曾接受港台訪問，對首次出戰奧運表現興奮，坦言是任何一個運動員的夢想，在隊中年資最淺的吳諾弘希望得到隊友們的信任，一齊上陣為港爭光：「希望我哋可以一齊共同進退，一齊攞塊獎牌，為香港爭光。」
東京奧運｜吳諾弘打出驚喜成搶分王 將兩雙分數拉近差距
吳諾弘（Lawrence）今早與張家朗、蔡俊彥、張小倫一同出戰男子花劍團體賽八強之戰，首輪與俄羅斯奧委會進行比賽。吳諾弘以後備身份入替，亦是他首次踏上奧運舞台，在比賽期間，他完全打出超水準表現，將落後的分數逐一追回，成為搶分王，惜港隊最後以39：45不敵俄羅斯委會，今日下午將與其他對手爭5至8名。
郭可盈、廖碧兒齊貼相發文為吳諾弘打氣
在昨晚（31/7）郭可盈就在其社交網上載與吳諾弘的當年的舊照，並表示：「還記得當年拍攝《酒店風雲》、生日會、公開活動…等的點點滴滴，你還是一個很可愛乖巧的小男孩，現在已長大了，更為香港隊男子花劍團體出賽東京奧運，好叻仔呀！我們明早一定會準時09:45欣賞賽事！Do your best，好好享受比賽，加油！請大家支持吳諾弘！支持香港男子花劍隊！」
而除郭可盈外，廖碧兒也有在其社交網上載相片，還用英文為吳諾弘打氣，「加油，我們都在為你加油！好好享受今次的過程，不管結果如何，你已經走到這一步，是香港的榜樣！支持支持，十卜十卜！」
吳諾弘 四年級已在學界稱王
無綫劇《是咁的，法官閣下》，片頭一幕黃智賢同關禮傑喺終審法院大樓門前嘅一場格劍畫面，唔知大家有冇留意？為呢場戲擔任指導嘅，就係由童星晉身成劍擊手嘅吳諾弘擔任指導㗎喇！由3、4歲開始做童星，起初因為覺得劍擊服有型，加上就讀小學啟基學校以劍擊聞名，所以在小二時就開始學劍，到小三開始打學界，小四至小六3度蟬聯全港小學學界個人花劍冠軍，及傑出運動員獎項！
吳諾弘小學就讀啟基學校，自95年創校，成立劍擊隊超過17年，多次成為九龍區學界團體冠軍，唔少港青、港隊代表，都係出自呢間學校，當中包括崔浩然及最年輕的亞運代表鄭曉為，稱得上是「港隊搖籃」。
2012年，諾弘成功考入拔萃男書院，5年嘅學界生涯，為學校同自己都贏咗唔少獎。
其中包括有「學界奧斯卡」之稱嘅中銀香港紫荊盃- 最佳運動員（劍擊）。
吳諾弘成為職業運動員後，經常都會隨港隊到世界各地參加比賽，年前曾參加亞洲U23劍擊錦標賽，同隊友一齊贏得男子花劍團體賽金牌。
棄讀男拔 做全職運動員
吳諾弘在名校拔萃男書院讀到中五，因考慮到運動員嘅黃金期實在好短暫，於是與父母相討表示想休學，希望能投身成為全職運動員。
而父母對吳諾弘的諗法亦都相當支持，認為讀書幾時讀都得！
吳諾弘 擔任劇集劍擊指導
童星出身的吳諾弘曾參與無綫劇集達十年，拍過三十多部劇集，在劇集《是咁的，法官閣下》中，吳諾弘在劇組多了一個新身份，就係劍擊指導喇！
十幾年前，吳諾弘同Ben哥哥首次合作時仲好細個嗰陣，當時二人合作拍廣告！十多年後再在劇集中合作，感覺好特別﹗唔知Ben哥哥睇番呢張合照，會唔會好感觸呢！
細細個有唔少時間都係喺片場度過，拍過嘅劇都唔少啦！
2005年第一次拍劇
吳諾弘第一次拍劇是在2005年《心花放》，當時吳諾弘飾演陶大宇同向海嵐的囝囝，不過劇中陶大宇係唔知諾弘係佢個仔嚟㗎！《心花放》（圖片來源：吳諾弘Facebook）
在劇集《酒店風雲》吳諾弘飾演郭可盈和馬德鐘個仔！
《荃加福祿壽探案》都算突破喇！唔係做人個仔同細佬，而係做鍾嘉欣嘅情郎！？冇錯！！一定係拍於《殺人犯》後，因為戲入面係講佢患有罕見不老症！
汪明荃喺劇中係偵探社社長，即係負責拉佢啦！
《宮心計》入面就做皇子李怡，亦即是童年版嘅陳豪。
喺戲入面明明好醒，但係就要詐傻保命。
09年，開始大個仔喇，同蔡少芬拍《飛女正傳》，就係做一個好老積嘅小朋友，睇唔起戲入面嘅蔡少芬想討好佢，嫁畀佢Daddy。
拍《最美麗的第七天》，當年唐詩詠仲係成日做緊人哋個妹，而家都做咗視后喇！
