東京奧運｜方力申爆採訪艱辛賽前賽後做足功課再次爆Seed提出針對性問題 大讚Siobhan：你係圓咗我哋香港游泳運動員嘅夢

撰文：八卦妹｜圖片來源：ViuTV截圖、新Monday攝（商場打氣相）、方力申IG

何詩蓓100米自由泳決賽奪銀牌

何詩蓓（Siobhan）今早（30/7）在東京奧運女子100米自由泳決賽中，成功創出最佳成績以破亞洲紀錄成績52秒27，並奪得銀牌；連同兩日前的200米自由泳決賽中所奪的銀牌，令何詩蓓成為首位同屆奪兩牌的港隊運動員。

（重溫何詩蓓（Siobhan）女子100米自由泳奪銀牌經過）

何詩蓓奪銀牌 香港觀眾留各大商場齊見證

雖然何詩蓓（Siobhan）的東京奧運女子100米自由泳決賽在今朝一早，就連「熱愛返工」的香港市民都紛紛停在商場之內，一同看著大電視為港隊何詩蓓（Siobhan）打氣；賽事進行期間，有不少市民都大叫「加油」，而當螢幕顯示何詩蓓（Siobhan）奪得第二名時，即全場歡呼。

何詩蓓賽後受訪：好多謝大家一直的支持

比賽過後何詩蓓就被安排接受媒體訪問時，就率先多謝教練及隊友的支持，亦指今次這個銀牌會與隊友一齊分享：「我好享受今次比賽，我已經成功突破自己，比賽80%係心理處理，20%係訓練成果！」隨後，有記者問到，大家都有在螢幕前看她比賽，她就表示：「好多謝大家一直的支持，要大家一早起身睇我比賽，覺得唔好意思。同埋見到有啲不嬲無睇開運動嘅人都有一齊睇，亦都覺得好感動。」

相關文章：

東京奧運｜何詩蓓100米奪銀牌成香港首位同屆奪兩牌運動員 6個月大就學游水 每日堅持凌晨5點練習！

方力申爆奧運現場記者辛酸

早數日前，被無綫派出到日本任奧運當地記者的方力申，就在場內見證著何詩蓓為香港泳隊奪得歷史上首面游泳銀牌時，激動落淚；今日（30/7）小方再次踏到游泳比賽場內，再次見證何詩蓓奪牌經過。比賽前，方力申就與全球各地記者在採訪區內Setup，準備待會訪問一眾得牌運動員，他拍片表示：「我地依家就Set Up緊，等一陣可以做訪問，但我想講，採訪非常之困難，因為就算我地一個BOOKING，只可以有兩個人…」並寫下：「做記者真係好辛苦㗎！我以後會更加好好對待記者。記者朋友多多指教！」

方力申再爆Seed提問「兩地教練如何交接，點樣幫助你？」、「進步目標係咩？」

何詩蓓比賽過後接受媒體訪問，方力申就佔優先位置正正在何詩蓓前面，仲多次發問：「去年6月，你因為疫情就返香港訓練，可否講下兩地教練如何交接，同埋點樣幫你？」何詩蓓聽後就表示：「好多謝兩地嘅教練，無佢哋亦唔會有我依家（咁隊友呢?）都好多謝佢哋，呢塊牌都係同佢哋Share！」緊接著，方力申再問：「你嘅成績係直線上升，多位參賽者中你算較年輕，進步目標？ 」、「一陣下午仲有50米，目標係咩？奪牌定係創亞洲紀錄？」可見方力申真的做足功課，而且亦有專業表現，難怪獲得一眾網友大讚他有大師兄風範。

方力申限時動態：圓咗我哋香港游泳運動員嘅夢

當何詩蓓上台獲牌一刻，方力申也有在媒體區內透過電視紀錄這一刻，並上輯片段至其社交網的限時動態，還表示：「你係圓咗我哋香港游泳運動員嘅夢，THANK YOU SO MUCH」