杜汶澤、田蕊妮千呎複式品味豪宅全面睇 夫妻疑另有大計疫市諗住放盤！
廣告
杜汶澤近年轉戰網上平台，以個人掛帥嘅網上節目愈做愈有代表性！而老婆田蕊妮由亞視轉陣去無綫，坐穩當家花旦寶座後再做埋視后，卻於年初結束十二年賓主關係，兩公婆家陣工作都係自己話事夠晒自由，加上疫情關係，大半年做運動、拍拖、撐枱腳或者招呼朋友都喺屋企解決，實情又係嘅，豪宅生活喺兩公婆 IG 相一覽無遺，地方夠大、裝修夠豪，要玩要食有乜安全得過留喺屋企呢？
撰文、圖片：東方新地｜編輯：白子（原文刊於：東方新地）
杜汶澤、田蕊妮千呎複式品味豪宅曝光
名下有多間公司、以個人名義同公司名義都買過樓投資，據悉阿澤同阿田現時居住嘅康樂園大宅喺13年以1,400萬購入，實用面積1,180呎，不過唔知係住到厭想換環境、定係兩公婆都另有大計，去年豪宅以2,600萬放出市場放售，足足一年後上月終於落實賣出。雖然割價唔少最終成交價係1,900多萬，不過疫市帳面都賺到五百多萬，要換樓搬屋依然大把選擇。兩公婆有共識唔生 B，出名恩愛互相扶持，最緊要識享受識生活，下一個愛巢肯定優秀過呢一個！
