【獨家睇!《東征攻略》香港篇】 杜如科 掃太安樓

流行娛樂

廣告

要數近期最紅YouTuber,一定非 杜如科 莫屬——佢拍咗4集《東征攻略》,扮杜如風去東京玩,抄足正版,被高登巴打轉傳咗去高登討論區,之後好多人嘅facebook都被佢嘅片洗版。

杜如科 真正身分係新城電台DJ科林,除咗開咪,佢重有幫電台拍嘢剪埋放上YouTube。佢話自己好鍾意杜如風,每年又會去東京玩,順理成章就模仿《東京攻略》拍成《東征攻略》。其實 杜如科 平時都好鍾意食嘢,自從《東征攻略》廣為人知之後,佢都好想製作香港版本。於是本刊就同佢一齊去咗西灣河太安樓「掃街」,拍咗集《東征攻略》香港篇,到底佢會推介啲乜嘢正嘢呢?即時睇片啦!

text – Jessie photo – Hin hair – Alex Law@Hair Corner K11 wardrobe – Ginger、Daniel Wellington

重溫《 東征攻略 》第一回、第二回

2招扮杜如風
大部分網民都話 杜如科 扮得似,佢笑笑口講:「最緊要講嘢語氣似佢!我做電台節目講嘢好快,但平時嘅我講嘢語氣同速度其實同杜如風好似,啲朋友都有咁話過我,都係好慢同埋斷斷續續,所以就好容易扮到佢。再加上杜如風講嘢好多時都不期然會手指指,呢兩樣嘢夾埋就會好似。」

《東征攻略》第三回、第四回

反應兩極
好多人以為 杜如科 整個《東征攻略》係串杜如風,實情佢超愛杜如風至真,訪問一開始就狂笠對方高帽。「我覺得杜如風係才女,好有才華,幾年前我已有留意佢嘅節目。曾經喺電台見過佢1次,當時即刻搵佢合照。有人留言話覺得《東征攻略》好睇過杜如風嘅節目,我認為冇可能,因為明顯佢真係做過好多資料搜集,同埋我今次跟佢介紹去啲地方食嘢,真係間間堅正。好想同佢合作!我一開始拍呢個節目都係想向杜如風致敬。」

 
內容延讀:

潮牌 CHOCOOLATE美心月餅 4個小克去賞月

編輯部教你點D.I.Y HIT爆美國 雞蛋仔夾雪糕

There are 8 comments

Add yours

Comments are closed.