李蔓瑩飛東南亞拍ViuTV旅遊節目 粉絲勁擔心泰國堅出事?!

流行娛樂

廣告

近日有關東南亞地區的新聞鋪天蓋地,搞到開咗關都唔敢去東南亞旅行。剛好「宅男女神」李蔓瑩(Renee)近日孖住張右雨(Gloria)要飛到東南亞同泰國拍攝ViuTV旅遊節目,搞到唔少粉絲都好擔心Renee的人身安全,Renee到達後連日嚟都不斷同粉絲報平安,點知去到泰國站時真係出事?!

李蔓瑩拍ViuTV旅遊節目

李蔓瑩近日在社交網透露:「相隔2年半,終於飛la~開心心去拍節目~(去馬來西亞同泰國啊)放心我會好小心㗎啦!香港 9月見~」好多粉絲都詢問她是否再拍《旅行吊靴鬼》系列節目?李蔓瑩否認,表示今次是為ViuTV拍攝另一個旅遊節目,同行的拍檔為MakerVille藝人張右雨(Gloria),而講到歸期,她則說是9月7日。

李蔓瑩 李蔓瑩上載靚相,表示:「太耐無出走過,離開咗先知~ 原來我咁掛住香港。」
李蔓瑩上載靚相,表示:「太耐無出走過,離開咗先知~ 原來我咁掛住香港。」(圖片來源:IG@@reneebobo)
李蔓瑩 同行的有參加過《全民造星3》的張右雨。
同行的有參加過《全民造星3》的張右雨。(圖片來源:IG@@reneebobo)

粉絲勁擔心 李蔓瑩每日報平安

有不少粉絲都好擔心李蔓瑩去到東南亞一帶後的人身安全,紛紛提醒她「泰國小心」、「出街一定要有人陪住吖」、「夜晚咪一個出去」、「小心D注意安全」、「唔好亂坐車,最好坐public transport/熟人嘅車」等等,李蔓瑩承諾大家會好小心,又話整個行程都會包車出遊,並且答應每日都會在社交網出story向大家報平安。

李蔓瑩 李蔓瑩話希望返香港嘅時候,條腰仲喺度。
李蔓瑩話希望返香港嘅時候,條腰仲喺度。(圖片來源:IG@@reneebobo)
李蔓瑩 在旅程中第一次著印度服,變身印度西施。
在旅程中第一次著印度服,變身印度西施。(圖片來源:IG@@reneebobo)

泰國唔小心整襯

李蔓瑩先由香港出發到馬來西亞的檳城、怡保等地,之後再轉戰泰國的曼谷及芭堤雅等,日前正身在泰國的她,就忽然上載了一張手臂受傷的照片,表情無奈說:「點解我咁大頭蝦咁論盡,落雨天跣一跣就撞落去車門度,好彩冇流血。」幸好從相片所見只是輕傷,之後李蔓瑩就繼續行程,和團隊一齊出發前往芭堤雅。

李蔓瑩 李蔓瑩手臂撞瘀咗。
李蔓瑩手臂撞瘀咗。(圖片來源:IG@@reneebobo)
李蔓瑩 夜晚遲咗報平安,不過最緊要係平安到咗芭堤雅。
夜晚遲咗報平安,不過最緊要係平安到咗芭堤雅。(圖片來源:IG@@reneebobo)

唔敢單獨行動 朋友出招驗真身

李蔓瑩曾透露在行程中都是黐實團隊,不會單獨行動,成Team人亦好少外出行街,每日都係包車點對點,拍攝完就返酒店,返到酒店房就鎖實房門不會再出去。她又指和屋企人特別開了一個聯絡群組,每日都會影相報平安,朋友也會一得閒就send短訊問她一些特別問題,例如她隻貓叫咩名,去證明她真是李蔓瑩,而非被人盜用了電話。

李蔓瑩 每一日都有報平安。
每一日都有報平安。(圖片來源:IG@@reneebobo)

李蔓瑩 拍《開心魔法》出道

現年31歲的李蔓瑩(Renee)樣子甜美,擁有32E驕人身形,在IG擁有超過22萬個Followers,獲網友封為「宅男女神」。她的出道作是在2011年上映的電影《開心魔法》,2013年又曾參演電影《盲探》,不過都只是演出一些小角色,亦做過模特兒,到2014年她加入有線做主持,近年則主要拍攝ViuTV節目,最為人熟悉是她飛到日本和韓國拍攝的《旅行吊靴鬼》系列節目和真人騷節目《對不起 標籤你》。

李蔓瑩 《旅行吊靴鬼》日本篇
《旅行吊靴鬼》日本篇(圖片來源:FB@Reneebobo Li 李蔓瑩)

水著廣告震撼網民眼球

在疫情期間不能出國旅行的日子,李蔓瑩亦拍了不少廣告,其中一個信用卡廣告中,她穿著黃色一件頭泳衣在泳池邊奔跑,雖然「水著位」僅維持2秒,但Renee的激凸上圍無所遁形,上下搖動波濤洶湧震暈一大班網友。Renee在IG表示:「喂啊!真係人生第一個有水著成份嘅電視廣告,我真係盡咗力減,你哋要讚我fit!」迅即惹起網上熱議,網民紛紛留言:「簡直令人熱血沸騰」、「我loop咗十分鐘」、「好跌蕩,真係堅Double May先有呢種效果」等等,十分搞笑。

李蔓瑩水著拍廣告惹網上熱議 網友力讚:堅Double May好跌蕩
李蔓瑩穿上黃色一件頭泳衣上陣拍廣告。(圖片來源:IG@reneebobo)
李蔓瑩水著拍廣告惹網上熱議 網友力讚:堅Double May好跌蕩
在泳池邊跑步的一幕極之震撼。(圖片來源:IG@reneebobo)

不論肥瘦都被人抨擊 決定舒服做自己

早前李蔓瑩曾現身ViuTV選美節目《肥美人》做嘉賓,提到自己不論肥瘦都曾被人攻擊,她說:「肥我都有肥過,肥就話你咁肥做節目對唔對得住觀眾;瘦咗就話你打針,波都細埋。」她又提到自己想通後,不論身型如何,都能做回自己舒服地去應對外間聲音。

李蔓瑩提到自己不論肥瘦都曾被人攻擊,她說:「肥我都有肥過,肥就話你咁肥做節目對唔對得住觀眾;瘦咗就話你打針,波都細埋。」
李蔓瑩提到自己不論肥瘦都曾被人攻擊,她說:「肥我都有肥過,肥就話你咁肥做節目對唔對得住觀眾;瘦咗就話你打針,波都細埋。」(圖片來源:《肥美人》節目截圖)
李蔓瑩 面都凹埋。
之前李蔓瑩趁住韓劇《魷魚遊戲》大熱,大玩椪糖遊戲,亦有不少網民就戥女神心痛,指她對比之前明顯消瘦,連塊面都凹埋!(圖片來源:IG@reneebobo)

與男友阿占分手交上女友

李蔓瑩曾與前有線球彩台主持、已過檔無綫的主持鄺家銘(阿占)拍拖,當時愛得高調更去到談婚論嫁階段,不過兩人最後分手收場,李蔓瑩未幾即與富貴同性髮型師密友Joe公開戀情,不時在IG高調放閃。早前其密友Joe就在IG晒出她在一個月內豪買5個俗稱「小廢包」的Chanel手袋,估計價值接近10萬。Joe笑言:「(Renee)一個月買咗5個小廢包,佢批准我送兩個畀佢(我求佢),其他話要自己畀錢(好型)。」

李蔓瑩 新一代宅男女神李蔓瑩憑住可愛甜美童顏加上貼地的主持方式,吸引大批宅男愛戴,在IG更坐擁18萬Follower,但她曾令不少宅男心碎,皆因她與同性髮型師Joe不時在網上晒二人的親密照,高調放閃。
宅男女神李蔓瑩憑住可愛甜美童顏加上貼地的主持方式,吸引大批宅男愛戴,但她也曾令不少宅男心碎,皆因她與同性髮型師Joe不時在網上晒二人的親密照,高調放閃,至今已拍拖3年。(圖片來源:IG@reneebobo)
李蔓瑩 前度阿占﹗
前度鄺家銘現已過檔無綫,去年主持東京奧運時,直播香港羽毛球隊對戰巴西,港隊教練李靜激動爆粗,鄺家銘立即打㘣場:「呢個時候係要打打氣嘅﹗」被讚有急才﹗(圖片來源:IG@reneebobo)

其他李蔓瑩靚相:

撰文:東方新地圖片來源:IG@@reneebobo、FB@Reneebobo Li 李蔓瑩資料或影片來源:原文刊於東方新地