李家鼎為私房菜瞓身冧闊太 鼎爺女友呷醋踩場

流行娛樂

廣告

由周身刀甘草前輩演員、到飲食節目《 阿爺廚房 》紅人, 李家鼎榮升新一代廚神亦食住道勢與拍檔開私房菜做埋老闆兼 大廚。餐廳兩年來一直有口皆碑、去年更進軍中環開新店,不 過上月母親節前後突然被黑衣大漢登門派紙紮公仔搞事追債, 矛頭直指譚姓股東。事後鼎爺私房菜發出聲明、鼎爺亦親自澄 清事件才告一段落。其實私房菜生意興隆一直有錢賺,全靠鼎 爺落力做生招牌、又有一班城中名媛闊太長期幫襯,不過據悉 為生意冧闊太瞓身過頭,竟然搞到一向不插手公事的鼎爺女友 都呷醋,早前曾直踩餐廳宣示主權!

撰文:東方新地 圖片:新傳媒圖片

李家鼎為私房菜瞓身冧闊太

經驗豐富、廚藝精湛、用心烹飪兼且不 怕功夫繁複對味道有一份執著,鼎爺主理私 房菜開幕後一直備受城中食家吹捧。不過明 星效應加上工序繁複,味道一流價錢亦係頂 級,私房菜從常備餐牌到應節食品,一概被 市民認為價錢堅離地。人均消費一千六百大 元起跳、要食到鼎爺乞兒雞、鮑魚招牌 菜,一圍定價就要 $31,888另計加一,唔係一 般小市民可以負擔,不過亦都因此累積一班 闊太熟客,成為私房菜固定及主要客源。

同施明離婚後多次求復合不成,早前 鼎爺終於覓得第二春,公開有個拍拖 多年女友。不過就有人爆料,一向賢 淑斯文的鼎爺女友近日呷闊太熟客 醋,踩場上餐廳。

 

賭王三太一樣係鼎爺私房菜忠實擁躉,日前就帶埋仔女上門捧場。

 

闊太粉絲成晚霸住

結過婚離過婚、現時有個相交多年紅顏知己,雖然鼎爺家庭聚會、餐廳開幕都 帶在身邊公開對方正印女友身份,不過鼎爺曾經因誤傳婚訊勞氣否認、又開玩笑指 自己「 仲有女埋身 」,據知情人士透露,73歲鼎爺性格主動熱情待客,令身邊人頗有 意見:「 自己盤生意又係自己做生招牌,鼎爺為咗餐廳真係仆心仆命。咁好多闊太熟 客都係睇在鼎爺份上成日幫襯、鼎爺見係熟客又一定會親身掌廚仲差唔多成餐飯由 頭陪到尾。喺度做都知,有個闊太特別鍾意帶朋友上嚟、又特別鍾意捉住鼎爺傾 偈、成日都霸住鼎爺。明眼人都睇到鼎爺氹得佢開心,佢女朋友咪唔開心囉,有一 次個闊太包場,真係見到佢女友踩場上餐廳搵鼎爺,擺明係宣示主權!」實情鼎爺襟 撈又吹得,朋友滿天下,要養兩頭家十幾人,瞓身招客實在難免!

仲有以汪明荃鄭裕玲等識食阿姐級組成的至八會一眾成員,亦定時定候幫襯。

知識淵博又愛熱鬧,其實不論男女食客上門,鼎爺都一樣親自招待,不過私房菜社交網絡上載所見,熱情圍繞的闊太粉絲更加多。

一隻阿爺乞兒雞盛惠1,380元,有得食仲有得玩,闊太 上門指定動作要親手敲碎外殼。

 

堅離地餐牌

工序多味道佳,私房菜開張以來口碑一直高企,不過價錢值唔值得就見仁見 智,人均消費千六蚊起跳,包括招牌菜的套餐就索價 $31,888。

 

兩頭家開支大

與女友拍拖十幾年,鼎爺早已一家親,得閒更幫手湊孫,73歲的他仍 有心有力,現時要養兩頭家,每月支出逾六位數字。

鼎爺與施明雖然離婚多年,但他一直照顧前妻及李泳 豪、李泳漢兩兄弟,今年李泳漢兒子百日宴,全家開 心影合照。

李家鼎當初為何會離婚?

李家鼎(鼎爺)與妻子施明於1977年結婚,兩人於1994年選擇離婚, 施明曾在訪問中提及過,因為難忍李家鼎…詳情請看

李泳豪結婚時全家有到齊嗎?

有傳李泳豪在結婚時都未有通知母親施明與兄長李泳漢出席簽字結婚儀式,因為母親對細新抱Agnes甚有微言,母親對於Agnes…詳情請看