67歲李國麟直播「鯨吞」小龍蝦辣到不停飲水都堅持讚好食 網民愈睇愈憂心
廣告
67歲李國麟自去年開始長駐內地發展，做網紅開直播帶貨，於抖音開設帳號為「鳩摩智李國麟」，由「最慘帶貨明星」變到現時愈來愈多人追捧。最近又直播食勁辣小龍蝦，食到嘴唇發黑仲不斷飲水都唔停手，非常敬業，睇到觀眾都擔心起嚟。
李國麟搏命食 網民擔心：睇住爆血管
李國麟已屆67歲，活躍演藝圈的他近年轉型到內地做帶貨直播，日前他深宵開live，眼見他面前有一大盤麻辣小龍蝦，他不顧身穿白衣係咁食，彈到醬汁滿身都在所不計，身旁女助手不時幫手抹嘴，又遞水遞紙巾，服待周到。食食下李國麟嘴唇發黑仍未停口，邊食邊話好味仲叫網民快啲落單，連續兩小時不停食，目測起碼3、40隻，為求帶貨食到眼泛淚光，網民替他擔心，留言：「沒必要這麼拼吧，這個歲數了，半夜吃這麼多根本不消化」、「為了賺錢真不容易，為甚麼助理不幫忙吃點呢」、「有冇call定白車，睇住爆血管呀」。
相關文章：「最慘帶貨明星」李國麟直播賣衛生巾 被網民問到無聲出 直言無用過埸面尷尬
吃播唔易做 《金宵2》都有暗示過
「吃播」即開live食嘢，你以為坐定定就可以「又食又拎」？非也。《金宵大廈2》就曾經以「吃播」為題製作單元，揭開做吃播的辛酸，當中蔡嘉欣飾演吃播主Jessica F除了大盤大盤地進食之外，其中一幕她喝下「謎之湯」吐出疑似人類牙齒的「湯料」相當嘔心。即使現實中吃播主亦曾遭打壓，皆因假吃、催吐等現象充斥，加上有浪費食物之嫌，所以流行過一段時間後熱度漸減。
（圖片來源：《金宵大廈2》截圖）
撰文：東方新地圖片來源：微博＠星娛小馬甲，微博＠娛樂犀利說，微博＠港劇劇透社、微博＠星娛小馬甲
