魔性李克勤連岀3 post串對手 踢咩波搞到佢咁嬲?

流行娛樂

廣告

台上又名CD勤,台下則是送禮…相信李克勤足球和曼聯這回事,全香港人都知。(除咗當年曼聯來港班球員唔知。)放下音樂後,他更是明星足球隊的隊員。日前,李克勤為「李克勤慶祝成立30週年世界巡迴演唱會馬來西亞站」去到馬來西亞,一有時間,李克勤立即在當地相約對手踢返場衛生波!點知懷疑在賽事中與對手發生碰撞,嬲到克勤連環岀IG Story串對手,仲要大頭影底人哋個樣!

撰文:酒啊九叔 |相片:新傳媒資料庫、李克勤Instagram

李克勤連岀4 post鬧串對手 對腳又真係傷得重嘅!

克勤踢得就係人都知,熱愛足球嘅佢,日前在馬來西亞踢友誼賽。平日做運動都會up吓IG Story嘅佢,當然亦唔會放棄呢個機會!

開波前特意上載作客球場的環境片段,心繫紅魔的他當然選用紅色文字!

兩個鐘後,比賽理應完結,克勤開始以IG Story表達對球賽的不滿!相信此事選用紅字乃代表他心中的怒火,更大大隻字寫明:友誼賽但一點都不!友!誼!

及後開始狙擊對手,在Story上點相表明對方的14號非常不!友!誼!

相同的Story內,他更影岀自己達30毫米的傷口(記者估),如此重傷,希望不會影響他演唱會表現!

正當以為他就此完結,下一個Post更一度走到對手面前,大頭式點對手相,並説:「踢咗我兩腳。」。對方14號大方面對鏡頭,始終能多登上巨星Instagram也是種值得自豪的事。

就以上的Story看,其實克勤只是繼續希望證明自己魔性何等澎湃,與對手開下玩笑,在此都希望他早日康復!