兩度中風 生活欷歔 李兆基:我依家係個廢物

流行娛樂

廣告

「電影圈四大惡人」之一的李兆基 (基哥),近年因為兩度中風,右邊身乏力,走路要長期撐柺杖,現時零工作零收入,連積蓄都幾乎耗盡,要靠人接濟。昔日一班曾經稱兄道弟的娛樂圈朋友亦沒有再跟他聯絡,每日要節衣縮食。幸好依然有幾位義氣仔女如陳慎芝、麥家琪等向基哥提供協助,亦有善心街坊不時請佢食飯,希望基哥好好保重身體,將來有機會再次演出!

text-東方新地 photo-東方新地

李兆基 曾兩度中風

李兆基在電影靠惡起家,當年同何家駒、成奎安、黃光亮被封為「電影圈四大惡人」,曾拍一系列《古惑仔》電影廣為人識,早年更到內地登台搵銀。不過,近年基哥鮮有露面,原來自從兩年前先後兩次中風後,基哥行動不便要靠柺杖借力,以致不能工作。據知早前有人搵佢客串電影,但身體狀況實在不容許佢拍戲,所以無奈推辭。

李兆基:我依家係個廢物

為了省錢,李兆基下午茶平價時段才會吃東西,日前本刊拍得基哥撐著柺杖,步履蹣跚行去寓所附近茶記用膳。基哥再接受本刊獨家專訪,提到不少圈中人說過會幫他,基哥稱很多人會說得天花龍鳳,但只是講:「講啫!好多人都講,係唔係至得㗎!尤其依家係個廢物,搵你做咩?」另外又表示:「唔幫咪算囉!唔好搵我過橋,又話幫我!」

感激義氣仔女相助

雖然不少圈中朋友不再聯絡,但義氣仔女總是有的!基哥表示曾獲「香港十大傑出青年」的陳慎芝、合作過電影的女星麥家琪,以及現時在北京工作的導演劉寶賢相助,在各方面都幫了他很多,一切一切都是無言感激,盡在不言中!

善心街坊幫埋單

基哥現時租住的九龍城唐樓,月租要一萬元,但他申請了兩年還未輪到公屋,全靠家人及一班社團兄弟幫補交租,更透露社署因此拒絕他申請綜援!零收入支出大,生活要節衣縮食,可幸香港地善心人不少,基哥透露每次食飯都會有街坊幫忙埋單,他一貫江湖氣概表示感激:「次次都有人幫我埋單!真係好多謝!」

曾是真正古惑仔

年過60的李兆基,年輕時曾是江湖中人,做過真正古惑仔。後被林嶺東導演帶入行拍《監獄風雲》,改邪歸正成功轉投電影圈,活躍於80、90年代,拍過超過40部電影,大多飾演黑道兄弟,惡霸監躉角色,代表作是一系列古惑仔電影。另外基哥亦同周星馳合作多部電影《食神》丶《喜劇之王》及《算死草》等,令人印象深刻,基哥更曽做過編劇、導演。