李佳芯前度偷食、譚凱琪遇渣男 《愛美麗狂想曲》宣傳變自爆大會

撰文：東方新地 ｜ 圖：《Tiger’s Talk》發相｜ 編輯：K.P（原文刊於：東方新地）

李佳芯、譚凱琪、陳瀅、何廣沛、蝦頭楊詩敏為宣傳新劇《愛美麗狂想曲》，齊齊接受伍詠薇、阿Bob林盛斌主持的《Tiger’s Talk》訪問，李佳芯在劇中被小三破壞家庭，失婚她周旋於陳豪和何廣沛之間。

李佳芯親自揭發舊愛偷食

在節目講及小三的話題，李佳芯笑指入行拍劇初，大部分都是小三角色，但現實中遇過男友有小三，背她一腳踏兩船，李佳芯指前度要去外國讀書，四、五年間，李佳芯守承諾一直單身等男友歸來，終於盼到這一天男友話自己同樣無拍拖，李佳芯話當時以女性特有的直覺男友講大話，後來更親自揭發男友有小三，李佳芯立即提出分手，李佳芯話：「細個覺得有少少大話都容不下，覺得有咗污點，反而依家大個咗諗法唔同，會反問會唔會自己都有問題﹗」李佳芯坦言若遇同樣件事，相信會以不同處理手法，未必立即嗌分手﹗

譚凱琪慘做小三

譚凱琪Zoie亦爆曾遇上渣男友，被舊愛瞞騙做了第三者也不知，Zoie話當時男友聲稱已跟前度分手，但拍了好一段日子，在別人口中得知原來自己一直做緊小三，Zoie話：「個男友講大話太叻，我一直信，當時覺得好hurt，晴天霹靂，即刻分手無再聯絡﹗」

何廣沛慘被派帽

唔單止李佳芯、譚凱琪曾遇上感情騙子，何廣沛也自爆被被派帽，他表示十多年前在外國讀書時，同女友分手後仍藕斷絲連，感覺似未一齊嘅曖昧期，所以當時感到無所謂可以以另一方式繼續一起，不過何廣沛卻親自目睹女友「劈腿」：「有一日放學返屋企，見到停車場架車有兩個人郁吓郁吓，望真啲係我女朋友，另一個竟然係我室友，真係極難受，嗰時分咗手又冇資格去嬲﹗」

黃宗澤求蝦頭著三點式送上門

伍詠薇最愛在節目中向嘉賓迫爆料，今集卻主動爆料指蝦頭同黃宗澤Bosco關係密切，過從甚密，陳瀅即時拎起電話打給Bosco求證，Bosco笑住話迷戀蝦頭十年：「蝦頭成日用對電眼電我，但最衰係次次都包到好密實，蝦頭出名身材好㗎嘛，如果蝦頭著住三點式嚟我屋企，我會忍唔住，忍唔住講蝦頭，I Love You﹗」蝦頭笑言黃宗澤好鍾意自己呢類型女仔：「大家都係同事朋友會一齊玩，我知Bosco成日有意無意提起我，佢鍾意食蝦頭，識食一定食蝦頭﹗」引得全場大笑﹗

陳瀅接受父女戀鍾情三哥

何廣沛中會追求李佳芯，發展姊弟戀，話題一轉便去到姊弟戀上，陳瀅爭住答話會接受比自己細或大十年的男仔，又流晒口水話：「如果好似三哥苗僑偉咁，我都得㗎，我試過有次同三嫂（戚美珍）講唔好意思呀，可唔可以借十分鐘畀我，我今日要溝一溝你老公，三嫂答我隨便﹗」

同場加映

江嘉敏網上放閃孖男友頭貼頭兼公主抱 男友投訴：是你大褸太重還是…