朴敘俊英國野生捕獲 疑秘戀「百萬網紅」
廣告
南韓演員朴敘俊無論身材、樣貌、演技都受到眾多人認同，更加係廣大女性心目中嘅男神，感情狀態一直都受到外界關注，曾經喺《金秘書為何那樣》同劇中女主朴敏英傳緋聞而被好多粉絲希望假戲真做。不過近日有網民爆料喺英國遇到朴敘俊，而同行者除咗助理，仲有一位甜美長相嘅女生，引發網民猜測秘戀疑雲。
爆料者英國遇見朴敘俊
朴敘俊早前喺英國工作，直至14日（7月）先由英國返回南韓，而爆料者當時亦正正喺英國精品店巧遇朴敘俊，同時亦透露朴敘俊身邊有一位甜美可愛嘅女生，不過朴敘俊同女生嘅互動非常謹慎亦無任何親密舉動，甚至有啲似為避嫌而刻意保持距離，令網民懷疑兩人關係唔單純，引發外界猜測朴敘俊秘戀新女友。
女生身份為「百萬網紅」
網民好快就搵出女生嘅真正身份，女生係百萬YouTuber秀妍，經常會喺網上翻唱流行歌曲。秀妍並無關注朴敘俊嘅IG帳號，但就經常Like同朴敘俊有關嘅相片，不過就有同朴敘俊嘅弟弟互相關注IG，緋聞傳出後，朴敘俊弟弟嘅IG帳號已轉為私人，朴敘俊嘅經紀公司亦未有回應。
圖片來源：IG@bn_sj2013, 小紅書截圖, IG@xooos_
