叫男友記得找卡數 ！未婚媽媽吳若希年底簽紙結婚！
Text-東方新地 edit-Cherie photo-吳若希IG、Alex IG、東方新地
吳若希產後首個活動 現身25分鐘穩袋6位數酬勞
Jinny產後首度出席公開活動，現身25分鐘穩袋6位數酬勞，更吸引過百歌迷撑場，佢自爆計劃今年底同男友註冊結婚，明年初會在外地進行簡單的婚禮儀式。問到Jinny上圍有冇升cup，佢話：「餵母乳應該有少少，希望停奶嘅時候身材仲可以keep到！」Jinny話因為太耐冇喺公開活動露面覺得好緊張，又自爆：「坐完月接到呢個job，所以要提前一個月減肥，依家比以前仲差兩公斤，都係打拳至瘦得咁快！」
承認EQ低 揚言生四個
有女萬事足嘅Jinny，直言出門口時因為不捨囡囡，因而錯過一班澳門船期返港，佢坦言正式復出：「基本上假期完咗，老闆(何哲圖)早幾日打畀我 話準備咗啲歌畀我，我隨時可以錄音。」提到早前Jinny嘅朋友把淼淼的相片放上網，令Jinny好嬲，又公開在網上同網民駁火，佢承認EQ低、激動咗：「其實一直唔想BB曝光，未來奶奶唔想BB曝光，一家人有共識。我啲朋友一早知道，係美麗嘅無心之失。男友都有話我，喺公眾面前點都有番少少威風。」
吳若希曾經為了女兒與網友開火，言語過份激動，令奶奶不太開心，Jinny坦言自己以後會加倍小心，早前更有傳Jinny同奶奶「婆媳不和」，佢否認並讚對方係世界上最好嘅奶奶！ 問到會否再生BB？Jinny話：「會，想生四個！」
打拳 減壓 順便防狼
Jinny產後之所以咁快修身，全因為好勤力咁跟教練 打拳 ！其實佢早喺入行時已經開始 打拳 ，Jinny話起初因為工作壓力大而想透過 打拳 減壓，點知一打就愛上，每隔數天便上拳館練習，見佢不時放 打拳 短片上IG，拳拳到肉，打得有板有眼！
係做完運動之後又去食雪糕。
搵闊少男友找卡數
Jinny同Alex當日曾經鬧分手，直至Jinny有BB二人和 好如初，最後仲生埋囡囡Giselle。依家二人感情甜蜜，不時喺網上隔空打情罵俏，Alex在其IG讚女友送上波鞋，好有佢心，Jinny留言回敬：「記得準時幫我找卡數。」而日前Jinny喺活動上也大讚Alex換尿片同氹囡囡瞓覺都比佢叻，仲話：「女兒比較喜歡躺在爸爸身上。」
雖然Jinny現時很享受當媽媽的生活但是她也很想念粉絲們，如果有機會她也想多點和大家見面！
