曾志偉透露重現經典《獎門人》：獎品獎金大升級！
廣告
TVB總經理曾志偉近日出席活動時透露嚟緊打算重現經典《獎門人》，召集晒獎門人啲元老返嚟玩遊戲，好似「晒冷」咁話，不過網民一聽到呢個「驚喜」消息之後似乎就只有驚無喜啦？！
大搞經典《超級無敵獎門人》
曾志偉榮升TVB總經理後經常諗唔同的綜藝節目救收視，最近佢出席活動時就透露嚟緊為配合香港回歸25周年、台慶55周年、香港小姐競選50周年同埋《超級無敵獎門人》25周年搞返個獎老回歸重現經典《獎門人》，打算由7月做到11月台慶，仲話會搵埋獎老錢嘉樂、林曉峰、阮兆祥、陳小春、金剛等人，獎品獎金亦都會大升級，內地人氣旺盛的「大灣區哥哥」一定好吸收視，詳情會於5月26的節目巡禮公布。
網民：當香港人智商停留喺20年前？
係咪真係「橋唔怕舊，最緊要受？」普遍網民似乎就唔受落，更狠批「當香港人智商停留喺20年前？」「老土當時興」「咩年代呀，仲獎門人」「亞視化」「快樂長門人」「似足亞視個陣霉到要炒冷飯翻拍百萬富翁，食老本搵啲過氣明星出黎獻世」「重播咪算囉」「應改名做超級無敵老人家」。youtube頻道Smart Travel，youtuber Tsar 就分析曾志偉係有盤算之下有此舉動，指個節目本來就玩低俗起家，到時大玩「睇波波」，剛剛好選完港姐搵新人出嚟玩，可能夏天仲可以玩水著，變得有睇頭、有新鮮感。
曾志偉啜爆性感女模影片詳情是?
近日曾志偉與一名性感女模慶生的視頻流出，從片中可見曾志偉在飯局中為壽星女熱唱生日歌之後，特意走向女模身旁一同吹蠟燭，隨後更上前啜爆該名女模，女模的身份背景亦立即被網民起底⋯⋯詳情請看
《獎門人》 停播了何時才會復播？
《開心無敵獎門人》早前播出最後一集就宣布暫別幕前，令不少觀眾都大為不捨，身兼總經理要職的曾志偉透露只要「將下半年節目安排好」或者睇下有機會下半年復播⋯⋯詳情請看
圖片來源：tvb《獎門人》截圖，youtube＠Smart Travel，東方新地資料庫
