暖男爸爸, 鄭中基, viutv, 男主角

鄭中基由無賴變住家男 為ViuTV 拍攝新劇《暖男爸爸》做男主角

流行娛樂

廣告

鄭中基近年多活躍電影圈,去年則為游學修監製的ViuTV劇集《仇老爺爺》客串,未知是否劇癮起,隨後與ViuTV傾掂數,接拍新劇《暖男爸爸》!其實鄭中基自從娶咗主播余思敏生咗一仔一女,大女Emma今年八歲,細仔Evan亦已經五歲,由無賴變住家男的鄭中基,早已是個多功能老竇,做番自己當然手到拿來。

 

撰文、圖片:東方新地|編輯:HM(原文刊於:東方新地

鄭中基唔幫無綫 睇中ViuTV《暖男爸爸》

近日無綫劇集收視創新高,ViuTV自家製作一樣搶fo,可謂各自各精彩,ViuTV繼劇集《二月廿九》、《教束》網民勁Like之後,將再有實力藝人幫拖,去年梁漢文拍完劇集《假設性無罪》後,好兄弟鄭中基原來亦會幫Viu拍劇《暖男爸爸》。其實早在上年初在港舉行演唱會,Ronald 已在台上放聲氣表示有意再拍電視節目,當時大家都估計他會再幫無綫拍《美女廚房》,不過他卻漏口風透露電視台唔止得無綫,仲有ViuTV,果然唔係齋Talk;咁又係,兩個好拍檔方力申及梁漢文都先後幫ViuTV做主持,梁漢文去年更拍埋劇集,鄭中基睇中Viu亦無可厚非。

有片!ViuTV《暖男爸爸》劇集預告

唔肯再做《美女廚房》劇癮起做慈父

據知情者透露:「其實上年年中ViuTV籌備開拍效法無綫《美女廚房》嘅遊戲烹飪節目,已經傾Ronald做主持,但Ronald就講明再做一定要搵埋小方、Edmond(梁漢文)一齊合作先拍,當年《美女廚房》大受歡迎,呢個鐵三角合體好貴,而且Viu嗰邊亦唔想完全copy無綫節目舊瓶新酒,最終傾唔成,不過Ronald放聲氣願意拍劇,對Viu嚟講絕對係好消息,睇番Ronald擔正拍劇,已經係02年嘅《我要fit一fit》,近年佢喺電影發展順利,再拍劇幾乎冇乜可能,不過Viu就畀好大自由度佢,角色亦為佢度身訂造,上年游學修監製ViuTV劇集《仇老爺爺》,已經搵過Ronald客串一集,今次Viu斟Ronald合作,角色好討好,係個任勞任怨嘅慈父角色,佢睇完劇本超級鍾意!」早已是廿四孝慈父的鄭中基,當然好願意將自己真實一面同觀眾分享,難怪ViuTV能夠成功打動他再拍劇!

常見問題

農曆新年有什麼好去處及必買必食優惠推介?

農曆新年必定要和朋友、家人及另一半觀賞電影消閒一番,今年香港有4大超強卡士賀歲電影,一齊笑住過新年!視覺滿足完後,味覺都需要被滿足,為你整合新年盆菜外賣直送年糕優惠推介2023。如果想親自出馬,我們更為你準備了蘿蔔糕3大食譜黃金糕食譜,內藏黃金比例竅門,絕對必看!值得注意的是滙豐、中銀、渣打銀行可換新銀紙,即看:換新鈔及迎新鈔預約連結

2023上半年度演唱會多鑼鑼,有咩搶飛攻略?

隨著疫情過去,有不少歌手宣布舉辦演唱會,例如:陳奕迅演唱會「放寬位」購票連結周杰倫演唱會Twins演唱會鄭秀文演唱會Clockenflap梁詠琪演唱會鄭欣宜演唱會!為你整合了香港演唱會一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

YOU MAY ALSO LIKE ...