晴天林評姜濤惹禍跪低道歉：「以後也不敢再講涉及姜濤的話題」
廣告
晴天林丨網絡歌手晴天林，二次創作諷刺時弊，在YouTube擁超過20萬訂閱，Facebook有超過12萬followers，連林夕都公開讚佢。晴天林昨日在社交網發出道歉啟示，指日前因公開指姜濤新歌《Dummy》下滑，疑受壓而跪低道歉，引起熱議。
晴天林：有姜濤粉絲感到憤怒
晴天林在社交網發出道歉啟示，指日前出po指姜濤《Dummy》在iTune跌到第9位，引起姜糖不滿，認為他說話有骨，啟示原文：「對於本人在6月7日發文，今日iTunes 姜濤跌左去第9位：原文本想指出某歌曲突然令《Dummy》的位置下落亦感到可惜，但有姜濤粉絲感到憤怒，說我拿姜濤開玩笑，有骨，還有取笑Dummy填詞人梁栢堅。 可能是本人最近食補骨丸，所以說話裡帶骨也不發覺，本人對此感到十分抱歉，大家也應用同理心對待粉絲和年輕人，社會最緊要和諧，本人以後也不敢再講涉及姜濤的話題。」
姜濤粉絲鬧爆晴天林：點解要單打姜濤？
晴天林同時貼出被姜糖鬧爆的留言，該粉絲留言鬧爆晴天林：「我支持咗你好多年，但係姜濤有乜得罪咗你？…點解要單打姜濤？我對好失望、「點解你個個留言都畀讚，但批評你嗰啲又唔敢畀？你講嘢有骨，大家都睇到」
網民：唔道歉後果不堪設想
晴天林的道歉啟示一出後，引起網上激烈討論，有不少網民指晴天林受壓下跪低，紛紛留言：「玻璃心到咁？」、「見到泥鯭事件，嗱嗱聲道歉，唔係後果不堪設想」、 「成就解鎖除咗玉華，而家係玉濤 」、「誇張過小粉紅」、「一直驚觸犯角安，點知犯鏡安法先」。亦有姜濤粉絲留言支持晴天林：「我都係姜糖，我唔覺得有骨喎」、「我係姜糖，我覺得Dummy輸好正常，唔係個個粉絲都玻璃心嘅，唔使道歉」、「姜濤本人都能夠接受批評，我唔知嗰啲粉絲做乜要咁惡」。
網民突破盲點：擺明係曲啦！
亦有不少網民指晴天林曲線賣廣告，借姜濤過橋，「一睇就知曲啦」、「唔好玩道歉借姜濤做流量呀」、「道歉啟示順便賣廣告，勁」、「有骨丸個llink，原來係業配文，大家唔好咁認真被佢呃到」、「cap得一個鬧你留言，唔好屈姜濤喎，又呃流量」、「一睇就知你扮跪低呃流量」、「唔好再搞姜濤啦，佢大方唔代表可以不停消費佢」、「擺明賣緊骨丸廣告喎，勿跟車太貼」。
圖片來源：FB＠晴天林SunnyLam、IG＠keung_show
