娛圈明星升呢做爸媽！星二代BB排住隊出生
text-希彤 photo-葉翠翠Facebook﹑黎諾懿Instagram﹑車婉婉weibo﹑東方新地﹑張繼聰Instagram﹑周汶錡facebook﹑蘇永康weibo
娛圈明星升呢做爸媽！星二代BB排住隊出生
1）葉翠翠
35歲靚媽葉翠翠一索得男，12/4生咗7磅半「小王子」，翠翠更在網上post了一家三口的照片，bb非常可愛，翠翠精神亦很好呢！
翠翠表示很開心小王子來到她們的家庭，一切平安！比預期的早了一些出世，bb很活躍手舞足蹈，樣子跟她老公很相似。
翠翠陀B後經常在網上分享日常大小事，不時貼出與愛犬愛貓的相片，翠翠相信牠們都會十分期待與小王子見面！
2）黎諾懿
黎諾懿去年趁着與老婆李潔瑩（Nicole）結婚2周年紀念，喺社交網站上宣布太太懷孕嘅喜訊，仲幫BB改咗個花名做「小春雞」。10/4，小春雞終於出世啦！B囝重6.6磅，母子平安，恭喜恭喜！
「最接近神的男人」馬壯初為人父，非常開心，更在社交網站上跟大家分享這份喜悅，感謝老婆！一眾網民亦紛紛為他們送上祝福，並大讚小春雞可愛！
3）車婉婉
42歲車婉婉在28/3順產，為中澳混血老公Jonathon Quinlan誕下混血B仔，重8磅9安士，升呢做媽媽。BB英文名叫Justus，仲有個得意乳名叫BBQ添！車婉婉2013年下嫁中澳混血老公，婚後就積極造人，直至去年傳出好消息在其社交網站宣佈造人成功，原本預產期是今年4月，想不到BB就提早出世，跟大家見面。
4）張繼聰 謝安琪
謝安琪同張繼聰的囡囡亦都出生了，Kay於3月23日下午三時左右開刀誕下囡囡，已改名叫張靖，英文名Karina！
提到Kay生b過程，阿聰發明愛的宣言：「成個過程好感動，太太好叻，囡囡都好叻，好快就出咗嚟！醫生有叫我同太太講多啲嘢，但嗰一刻我唔知講咩好，只係好似小學雞咁同囡囡講加油！」阿聰仲話見到個手術過程，好戥太太心痛！「女士係好偉大，我哋2個就夠晒數啦！除非可以由男士代生啦！」果然係愛妻號啊！
5）周汶錡
42歲名模周汶錡(Kathy)在20/3生咗第二胎，周汶錡法籍老公Julien Lepeu和家人離開醫院時向記者公佈喜訊，指老婆Kathy今胎都係生仔，為囝囝Jacques添咗一個細佬。BB重7磅8安士，英文名叫Avner。
哥哥Jacques見到細佬的反應，簡直可愛到極啊！
6）蘇永康
蘇永康的太太Anita亦都在20/3為他誕下一子，榮升爸爸後更一副慈父樣抱著bb，非常溫韾！
bb叫Jazz So，雙魚座，重6.11磅。蘇永康老來得子，最開心的當然是蘇永康的媽媽！蘇永康早前更說：「嚴格上BB出生後開始，未見過媽隻眼，笑到見牙唔見眼，因為係我哋家庭第一個孫！」
