日本KOL遊香港第一印象有臭味 網民：換咗大陸咁講，大家唔會咁包容囉！
廣告
近日網上熱討一名日本KOL來港旅遊的片，日本妹獨自來港旅遊，在尖沙嘴街頭大叫條街有臭味，這段片在網上瘋傳。網民認同日本妹，更爭相點出香港邊區、邊條街道係最臭，有網民指香港人崇日又盲撐，竟互相掀起罵戰！
日本KOL獨遊香港
日本KOL ふじわらのみい獨自來港旅遊，不但介紹自己住的酒店，又到各區體驗，第一站到尖沙嘴麵店，食完準備出發四圍打卡時，一到街頭，日本妹一臉嫌棄話有異味，仲話似便便味，呢段片在網上瘋傳，「日本KOL嚟香港旅行第一個印象，竟然係充滿屎味﹗」
連登仔認同日本KOL：香港真係好污糟
日本KOL指香港街道有屎味片段，在網上成為熱討，不少網民同意日本KOL﹐「佢去廣東道真係成陣屎味」、「香港一啲都唔香，臭港無誤喎，講事實」、「搭地鐵去太子咁多年都有陣渠味」、「又熱又潮濕，真係又好臭，佢去埋康城、環保大道感受仲深」、「香港真係好污糟，d啊叔大大聲咳又隨地吐痰 」、「平時行觀唐都好臭」、「講真九龍區真係臭啲」、「香港最恐怖係冷氣機滴水」、「本地人聞慣咗，好多外國人一到機場就聞到，唔係第一次聽到」、「人地日本空氣係清新好多嘛」、「大把人離開左香港都話皮膚好好多」等等。
網民起罵戰：連登仔雙重標準！
有網民力撐日本妹講得無錯，引起不少網民群起反駁，指連登仔盲撐日本妹，「咁似之前日本人講台灣交通垃圾，台仔果啲反應，上次連登仔笑台仔起晒鋼」、「如果係大陸人咁講，連登仔炸咗佢啦」、「如果呢段片係小紅書出現，連登仔唔會咁反應囉」、「換咗係我地同胞咁講，連登仔唔會咁包容囉」等。
圖片來源：YT＠ふじわらのみい截圖、 Twitter＠ふじわらのみい
