斷網丨郭富城上熊仔頭頻道宣傳電影 網民：原來城城咁玩得！

斷網︳FH x郭富城拍電影宣傳片 大爆FH金句

FHProductionHK近日上傳一條影片名叫「媽媽不要再觸碰郭富城」，與郭富城合作宣傳最新電影《斷網》。內容講述FH要同城城做訪問，kaying知道有機會同城城合作好開心就通知咗屋企人，然後屋企人再一傳十，十傳百咁樣，變咗訪問當日引嚟一大班親朋戚友同城城合照，最後城城仲大爆FH金句「好尷尬囉」。

斷網丨睇完整影片：

斷網︳網民意見兩極 好流vs成個構思都好好

唔少觀眾睇完都表示估唔到城城咁玩得，配合度高又搞笑「城城果句：「尷尬囉」，真係正，仲有鄭保瑞導演都一齊玩，好」「賣廣告唔緊要 要睇得舒服囉 今集又真係好好笑囉！」「呢條宣傳片好正, 城城有眼光，搵FH FH family好野」「好好笑，有偽紀錄片嘅feel 而且城城又肯一齊拍呢啲相對小品嘅片真係好 觀眾都睇得舒服」不過亦有網民指條片浪費咗城城，條橋麻麻地，唔知拍緊咩咁睇到好尷尬「條片好x流，浪費左城城」「城哥好野，甘都收货。果然大人有大量」不過有網民又反駁咁樣先唔似廣告片，易入口「覺得呢條橋幾得，正經宣傳套戲邊有人想睇」「好正，成個構思都好好，唔hard sell，吸引到我入戲院睇這套電影！」。

斷網︳故事大綱

電子熒幕背後藏著一片詭秘的網絡森林，滿佈光纖與數據，是孕育技術與滋長病毒的奇幻空間…黑客們在網絡森林播毒，發動了一次大規模的網絡襲擊，幸得天才網絡保安主任卓家俊（郭富城 飾）利用自身研發的防火牆，化解危機。殊不知病毒攻擊原來是由其上司陳明志（林家棟 飾）所操控，家俊亦因此誤墮其洗黑錢圈套，陷入險境…為證清白，家俊與陳明志展開激烈鬥法。家俊暗中在網絡森林煉製具備人工智能（AI）的超級病毒，更不惜游走危險領域–潛伏並攻擊各路黑客，誓要找出陳明志罪證！同時，陳明志不擇手段，命令黑客反奪家俊手上解密科技，更綁架其女兒卓寶兒及恐嚇其妻子詠珊（賴雅妍 飾）。家人生命受到威脅，家俊受盡掣肘，更禍不單行的是，其研發的AI病毒失控，迅速竄入各個電腦系統，瞬間全城斷網，引起莫大恐慌，後果不堪設想…