新聞女王︳李國麟扮「思覺老師」原型人物曝光 回顧一代YouTuber傳奇！

新聞女王︳李國麟飾演「思覺大叔」精神病網紅！

TVB台慶劇《新聞女王》講到李國麟飾演「思覺大叔」的精神病網紅持槍揮刀脅持人質。呢個故仔似乎拎咗「思覺老師」做為原型人物做參考。

新聞女王︳傳奇YouTuber「思覺老師」

如果一直有留意開YouTube的觀眾，相信大家一定會聽過「思覺老師」呢位傳奇YouTuber，他亦可以算得上是「瘋癲系YouTuber」的先河人物，其寫文章的手法及思路擁有異與常人的「膠力」，亦成為了討論區上的首代潮文。

新聞女王︳「思覺老師」出鏡後爆紅

之後思覺老師開始在YouTube界活躍，拍片分享自己瘋狂的思想，以及在鏡頭前做出大量出位行為，令到老師在網絡上爆紅，不過思覺老師有時會作出的行為都比較不雅，似係「真瘋狂」多於扮出來。

新聞女王︳思覺老師被青山醫院發現！？

思覺老師在2002年時因為其瘋癲的言論，疑似被請入青山醫院去養病，不過之後有網民踢爆思覺老師是因為冇錢交上網費，先選擇引退。之後思覺老師再次回歸，不過再出來已經沒有開初時的瘋狂，令到人氣都節節敗退。

新聞女王︳思覺老師入院 告別YouTube

思覺老師2021突然於社交媒體表示自己因為精神病入咗葵涌醫院半年，呢段時間身體差咗好多，成日瞓唔到，成日反思人生，諗起以前的事，發覺有好多嘢做錯咗。經過好多次同牧師的對話後，搵到未來的方向，以及醒覺，決定唔會再拍片，出去返工賺錢，改善生活，以後只會喺IG分享生活照，過充實的人生。

「思覺老師」呢番感言令唔少網民感慨又係一個時代的沒落，表示「思覺老師」已變成「醒覺老師」，覺得好唏噓！

新聞女王︳思覺老師再拍片冇人Show

思覺老師近年都有再次重出江湖，不過狀態大不如前，拍片都冇乜人睇。思覺老師都爆過自己仲有受病困擾，不過近年就開始有所好轉。