新城勁爆頒獎禮2023︱7大花生位 多位人氣歌手缺席 GIGI大個女大解放!
新城勁爆頒獎禮2023︱1. 華納歌手繼續無影 鏡仔得3位到場
《新城勁爆頒獎禮2023》今年出席歌手人數甚少,場面相對前幾年更為冷清,只有Lolly Talk、COLLAR、AfterClass、ERROR、林家謙、泳兒、Gin Lee、陳柏宇等人到場。去年都有畀面出席的人氣組合MIRROR,今年就只派出Jer、Ian、AK三人出席;華納歌手包括MC張天賦、陳蕾等人都繼續無影。新城與華納捲入的HKRIA版權風波問題早於2021年已經解決,本以為雙方已經破冰,但今年華納唱片公司已經連續第三年全體歌手缺席,令頒獎禮現場變得更加冷清。
新城勁爆頒獎禮2023︱2.MIRROR快閃領獎 姜濤三年來首度捧蛋
去年都有畀面出席的人氣組合MIRROR,今年就只派出Jer、Ian、AK三人出席,全團亦只有三人以個人身份獲獎,Jer就憑《JM單身狗》獲得「勁爆我撐歌曲」;AK就獲得「勁爆突破歌手」;Ian就獲得「勁爆男歌手」,而去年獲得「勁爆男歌手」的人氣王姜濤就三年來首度抱蛋。三位成員上台唱歌領獎後,分別唱出個人今年派台歌就閃人,事後連訪問都冇做,名副其實嘅「快閃領獎」。
新城勁爆頒獎禮2023︱3. 新人打頭陣表演大走音 網民:唔好咁侮辱梅姐
今年新城頒獎典禮繼續不設電視台轉播,只能收聽FM99.7新城電台聽直播,去年已經因為「有聲無畫」而令到一班聽眾聽到一頭霧水,今年繼續犯相同錯誤。今晚的頒獎典禮在首輪環節就出事,一班樂壇新人輪流唱出梅艷芳的經典金曲為梅姐致敬。一班新人輪流唱都冇人知道邊個打邊個,仲要每位都唱到走曬音,聽到網民都好無言:「完全唔知邊個唱緊」、「好X難聽」、「梅姐會唔會激返生」、「2023年都無畫面?係咪難聽到唔想出樣」、「咁樣侮辱梅姐d 歌好咩」、「叫花師奶嚟唱好過啦」等。
新城勁爆頒獎禮2023︱4. 看清出席藝人炒車look!JW太濃妝超驚嚇
一班歌手們都為咗頒獎典禮盛裝出席,但總會有幾位歌手就用力過度,妝容或服裝都令人不能直視。其中去年一身貼身的長的肉色連身裙,自曝其短的JW,今年就妝容炒車,眼妝太濃搞到網迷都話超驚嚇。而向來都有點Baby Fat的「小公主」Chantel姚焯菲,今晚就身穿一條緊身黑色露肩短裙,雖然夠曬可愛,但亦有網民指髮型加短裙令Chantel稍微顯肥。不過最勁爆係一定係男神Jeffrey魏浚笙,估唔到咁靚仔的佢都會出事,個頭變咗成個「十兄弟」咁!
新城勁爆頒獎禮2023︱5. 炎明熹大蝴蝶遮胸超性感
「樂壇小天后」炎明熹今晚的服裝非常誇張,去年包到實一實嘅Gigi,今年突然大解放,以一身黑色服裝登場,胸前只有一對大蝴蝶,露出事業線之餘又露背,超級性感。
新城勁爆頒獎禮2023︱6.保錡真係對yumi好有興趣!
新城拎獎時男團Error吳保錡(保錡)與小花鍾柔美(Yumi)2人同台,保錡即被影到「打量」Yumi,令網民都忍唔住表示「保錡真係對yumi好有興趣!」。保錡早前被捉到like爆Yumi IG,每張Yumi在IG的照片也會點讚,成為名副其實的忠實「米粉」!
新城勁爆頒獎禮2023︱7. 尹光獲分豬肉獎「潮爆神級歌王」
今年風頭一時無兩的尹光,雖然在今年叱咤失落「叱咤最喜愛歌曲」,但在新城頒獎典禮中就獲分新增設的「潮爆神級歌王」。