網民狠批：「仲用番20年前嘅橋」 《新喜劇之王》都要變「尷尬之王」了？
撰文：Charmaine｜圖片：Lihkg、劇照、YouTube擷圖｜編輯：白仔
《新喜劇之王》預告出爐 網民瘋狂踩：「又用20年前嘅舊橋」
重用《功夫》踩腳趾條橋
喺預告片中可以見到飾演女主角嘅鄂博猛踩田啟文啲腳趾，同《功夫》中嘅情節同出一轍，網民都忍唔住鬧「翻用舊橋」、「搞臭自己個朵」。
除咗瘋狂被人插炒冷飯，仲畀人鬧依家周星馳已經淪落到食老本。
除咗翻炒舊橋畀人鬧，預告中女主角扮張栢芝一幕亦被網民恥笑，指似女大J。
另外，都有網民指配音難聽、睇完成個預告覺得好尷尬等等。
所以佢決定改換上《新喜劇之王》，呢套戲嘅前置、拍攝、後製和定檔全部係三個月內完成，當中拍攝用咗一個月。
劉鎮偉同王家衛呢對拍檔都曾經做過類似嘅事，當時王家衛執導嘅《東邪西毒》無法如期完成拍攝，加上超出預算，結果劉鎮偉喺壓力下用 27 日時間完成《東成西就》，結果大熱成為經典電影之一。
到底今次周星馳有冇望成為劉鎮偉呢！又或者好似 TVB 劇集《大帥哥》咁預告唔好睇、正片唔錯呢？無論點都好，周星馳似乎都係做演員最好睇⋯⋯
