【手殘必學】Kara、Miss A都整 D.I.Y.甲色你玩晒！

text- Angie、Edelweiss photo-小鬼基

韓妹有幾鍾意畫甲？你睇Miss A嘅佳(Jia)同Min成日整到靚靚，經常post晒甲相，睇真啲，又真係靚得嚟，圖案夠簡單！易學！

波點穩陣唔out！

搽甲油千祈唔好貪快，搽完1層之後，要等甲油完全乾晒，先可以搽第2層，如果唔係就會起泡泡，同埋搽到一舊舊唔均勻㗎 喇！畫甲都係，要等底色乾晒先可以畫圖案，唔會全部指甲都整晒圖案嘅，咁會太over，1隻手3個畫花、2個淨色就最perfect喇！搽完甲油記住 搽埋top coat，會更加持久。

睇片！再學多2款！

https://www.youtube.com/watch?v=dAJ1s4LLZqA

下頁，睇埋「甲形check性格」，咪亂修甲呀！

內容延讀

＞ 甲油都整到！一學就識嘅無痛Tantoo，好型呀！

＞【美容新品測試】話你知邊隻甲油夠像真、快乾又易卸

呢個日本好hit嘅「指甲診斷」，拼下對下你屬於邊類型！

揀好睇答案！

1. 縦長の爪：直長形指甲嘅人，係溫和派兼理想主義者，右腦發達啲，想像力豐富，藝術型，為人隨和，但容易被騙喎！咪咁單純喇！

2. 横長の爪：橫短指甲嘅人，個性比較急躁，講嘢速度亦好急，總之橫衝直撞，容易脾氣暴躁而將事情搞砸。小心！小心！

3. 丸型、卵型の爪：嗱！呢類圓圓哋或似足隻蛋咁形狀嘅指甲，一睇就知面面俱圓，樂天嘅個性，做事不慌不忙，善於促進人際關係，但太over就會變成虛偽。

4. 四角形の爪：四四方方嘅方形甲，好多男人都係呢種甲，做所有事都好認真，亦因為咁而相當有耐性，但堅持起上嚟都好固執，好易變成悶蛋。

5. 三角形、逆三角形の爪：無論係正三角形或倒三角形，性格都係敏感、細膩，思想夠創新，但係諗得太多會變得神經質，冇人明白你，重怕咗你添！

6. アーモンド型の爪：呢堆日文係指杏仁形，即係圓又唔圓得晒，尖又唔夠尖，呢類型嘅人有想像力，對外友善，老老實實，但耐性就零，容易煩躁嗰種。

7. 剣型の爪：踏實型，勇於向住自己嘅目標同夢想衝，為咗達成目標容易同人發生摩擦，只睇到自己，唔夠圓滑，想更成功就要處世靈活啲喇！

內容延讀

＞ 甲油都整到！一學就識嘅無痛Tantoo，好型呀！

＞【美容新品測試】話你知邊隻甲油夠像真、快乾又易卸