試當真神還原《我和殭屍有個約會》 連萬綺雯長腿有？！
廣告
香港四大YouTube頻道之一《試當真》一向風格出位獨特，近日上傳的最新影片備受熱討，原來係神還原亞視神劇《我和殭屍有個約會》－《我和殭屍有個誤會》，未夠24小時已經衝破10萬view，唔少人留言激讚要拍返30集先夠！不過有都有啲網民就話係咪無橋到要「炒冷飯」？
試當真神還原《我和殭屍有個約會》 就連萬綺雯長腿都有！
試當真7月4日上載《我和殭屍有個誤會》致敬亞視神劇《我和殭屍有個誤會》，網民紛紛大讚神還原，由角色、造型、配樂、音效、特技、色調、對白、打鬥場面加埋4：3比例等等都執到足，最重要係刺激位去廣告這些細節都令網民留言大讚。其中令網民一秒入戲的就是Yanny（陳穎欣）晒長腿，跟當年馬小玲（萬綺雯飾）一樣搶眼。
《我和殭屍有個誤會》角色對照
除了Yanny神似萬綺雯，其他角色一樣似。當中Locker大頭激似尹天照，皺眉表情同變殭屍大叫一幕都似十足；Jessica cosplay楊恭如﹐那副金絲眼鏡加「木口木面」，再連廣東話唔正都扮埋。亦有網民大讚岑珈琪捉到杜汶澤的「無厘頭」，以及Ernest的確很似吳廷燁。
《我和殭屍有個誤會》唔會只係抽水咁簡單！
試當真致敬《我和殭屍有個約會》獲網民大讚之餘，有眼利網民睇得出入面有不少彩蛋。例如：游學修為cosplay陳啟泰特意加一句「一百萬嘅問題」、岑珈琪說了句：「又捉錯好鬼呀？香港真係慘，啲壞人死極都死唔去。」另外，Yanny出絕招結手印時間太長，岑珈琪忍不住說：「誅邪啦！」明顯抽水電視劇鍾意拖時間。
網民：係咪無橋？
有唔少人激讚都有人彈，有網民就認為似無橋「炒冷飯」「係咪就來執，玩僵屍，印像中亞視拍就冇耐就執左」「窮途末路啦」「搞咁多野都係戲仿，同藍祖藍扮女人tvb有咩分別」「人地賣NFT搵食，拍片係副業嚟」
最似真係Locker同況天佑！
試當真view數得番2萬？
YouTube頻道《試當真》2020年開始運作，有逾四十萬追蹤。不過過去半年成為惹火channel，有網民發現近月《試當真》新片view數大跌，更指跌至…詳情請看
試當真NFT事件?
網民狠批《試當真》忘卻初心，大不如前，首先早前《試當真》忽然宣布推出NFT產品，引起大量網民負評，之後游學修就上「混血肥仔」的節目回應時件。
