戀講嘢｜富豪共享女模育成計劃 浩南被踢爆有古惑
資源如何共享？
193以「佢男朋友唔介意帶佢去識唔同朋友，而且仲可以分享」來介紹今集嘉賓，他坦言「唔知點形容呢種關係」，跟稿講應該屬於「神秘的育成共享計劃」，育成即由零開始孕育，由咩都唔識調教到咩都識，31歲的女主角Emma，任職model拍拖中， 在她19/20歲時便開始被進行育成計劃 ，當時她仍在大學階段，她稱她的「金主」為Sugar Friend/Sugar Daddy，而「共享」則因為呢班Sugar Friends有一班人，他們會互相分享一些女仔，Helen覺得呢位女嘉賓定有相當質素，才會被邀參與富豪育成計劃，然後促請她「開罩」示人，193見到Emma真身後，就以model feel、靚靚女嚟形容，不過三位女主持就似乎嘴藐藐喎！
三位索女主持邊個最有潛質？
193問到在三位女主持中，有邊位她認為最有機會進入金主的育成圈，Emma覺得是郭奕芯，193亦笑謂阿芯同Emma差別好大，阿芯亦反駁自己見識廣博又經歷多多，被自己育成有功。Emma被問到當年成為Sugar Friends女友的經過，她憶述：「嗰陣啱啱入行做model，有朋友介紹我去一個大型娛樂公司卡拉OK opening，當時我個Sugar Friend好gentlement嘅，佢成個package都好乾淨，似中環晏就食飯嗰堆金融男，當時男的係三十零歲，我又冇拖拍覺得識多個朋友冇所謂，佢又真係對我幾好，又幫我拎嘢飲，嗰陣好細個去event連嘢飲都唔夠膽攞，之後會約我出街，知我讀緊大學又會突然嚟車我啦，嚇死死！」Emma指會陪Sugar Friend開會去business lunch meeting，邊食邊陪開會、食tea等，讓Emma覺得自己是被追求對象。
專教呢兩樣 送cheap cheap禮
Emma先爆Sugar Friends好喜歡教她們點樣成為一個lady，餐桌禮儀、襯衫、唔同品牌和品牌設計師的故事等等都會教授，很多學術性的資訊，而Emma的金主鍾愛紅酒及車，所以專門教她呢兩樣，而在金主眼中呢啲只係common sense一定要識，慢慢Emma見到他的朋友都不其然會注重禮儀起來，長久以來到底Emma有冇收過貴重禮物，她皺晒眉指只收過一些好普通幾千蚊的名牌禮物，四位主持同聲指呢位金主都算孤寒！
Emma曾經跟金主去半山寶雲道的party house，她形容外觀堡壘一樣 ，浩南探問：「燈光係咪好暗好暗，酒紅色咁嘅！」Emma即指著浩南反問：「你係咪去過呀？」浩南斬釘截鐵話冇，但193即寸嘴：「你依家一定話冇嘅！」現場好多潮牌物品、桌球枱、星級影院、唱K房等等，她的金主通常只會帶她一個到場，而金主的富豪朋友就會帶兩三位女仔，而屋內的房間分別偏布在二樓的角落位置，Emma形容大家都會入房玩然後「開心地出嚟」，不過Emma再次盛讚她的金主很gentlement，絕對冇毛手毛腳，只會好踏實地拖實她，甚至暗示雙方冇性關係，真係信不信由你！
浩南被名人問價
金主亦有向Emma offer讓她成為另一半的進一步關係，但因金主已婚，所以唔會係唯一，Emma不置可否，後來金主又著Emma陪他去美國開會，當時金主在Emma在instagram睇到她與朋友身處新西蘭旅行，即提出offer：「你都係backpack旅行都冇乜錢，不如我俾錢你，你過嚟陪我啦！」每個月四萬，只要金主得閒或者出trip就要陪他去，郭奕芯表示「好唔OK」，因為要花錢陪的就應該一早講明，而非似是拍拖後先出聲，而浩南亦有感而發：「嗰時我都有個會問我做嘢辛唔辛苦、搵幾錢人工，初初畢業個個都萬零蚊㗎啦，然後佢不停慫恿我覺得自己做嘢好辛苦，然後offer兩萬蚊俾我，當時係2010年，佢個名仲有上維基資訊人人search到嘅，但我心諗『兩萬蚊？what？』我超不爽就反問佢，你都結咗婚點解仲搵女朋友呢？」193笑指浩南唔係嬲佢有老婆而係得兩萬蚊！
最終目的曝光
因為得四萬，當時做model的Emma都好好景自己搵到，結果拒絕了金主要求，後來金主再約她食飯，先發現原來背後有更大陰謀！金主有一班一齊長大的富二代朋友，他們有「育成計劃」，Emma話最變態是，大家會將所謂的「女朋友」互送互享，例如你唔識車，但金主教的女仔已經好懂車經，就將呢個女仔送俾唔叻車的富豪朋友，而呢班金主亦當自己是「救世主」，因為他們的父輩都是這樣，家族培養而成，Helen覺得呢堆金主係「唔單止係媾女咁片面嘅嘢，佢哋係當女仔係product，心理唔平衡，係一種扭曲咗嘅心理變態！」193問到有冇好誇張的育成例子，Emma大爆金主在經常去開商務會議的中東阿布扎比、東京和大阪，有一堆香港女仔長駐當地陪多位金主。而Emma今次上節目大爆料的目的，她感言謂：「首先唔好試(被包養)，搵真愛令你人生成件事舒服好多，如果要高攀有錢人嘅圈子，其實唔會好舒服，你日日都要化妝同著高踭鞋。」不過唔少網民就嘲Emma，指她上節目就正正係呢個outlook覺得她好矛盾！
