【愛回家】孤寒Peter大熱天時做義工！杜大偉向清潔工人派食物、防疫物資
廣告
處境劇《愛回家之開心速遞》陪唔少港人開飯，大家對劇集內嘅角色都好熟悉。但其實唔少演員戲外性格同劇集內大相徑庭，例如飾演Peter嘅杜大偉戲外其實係好大方、好關心基層嘅人，最近佢更去各區垃圾收集站為前線清潔工人送餐點同打氣！
撰文：Andy｜圖片：楊大偉IG、TVB《愛回家》 截圖｜編輯：海月
孤寒Peter大熱天時做義工 向清潔工人派食物和防疫物資
《愛回家之開心速遞》內配角Peter就以自私孤寒而廣被觀眾認識，但其實飾演Peter嘅杜大偉，喺現實中就Peter呢個角色嘅性格完全相反。
佢平時就熱心公益，佢近日更與一班朋友去各區垃圾收集站，向清潔工人送餐食和抗疫物資。
杜大偉表示，留意到近日氣溫開始熱，清潔工人工作將更辛苦：「天氣開始炎熱，每天戴口罩於户外工作，辛苦之餘口罩都損耗得快，所以透氣度較高、防禦好且高品質的口罩對他們尤其重要，希望我們微薄的心意、衷心的問候和關懷的擁抱，能為他們打打氣！」
杜大偉稱一定要支持守護香港衛生清潔工人：「受Jacky兄弟邀請自發到各區的垃圾收集站，為站在香港衛生最前線，勞苦功高的清潔哥哥姐姐送上餐點和抗疫物資。」
杜大偉更呼籲更多人捐贈物資俾垃圾收集站清潔工人：「如果老闆們都有意捐贈物資的話，歡迎聯絡小弟，大家都將愛心宣揚出去！見到你哋見到我咁開心，我都好開心。將開心速遞到全香港，把愛帶回家。」
