《愛回家》再次直線抽擊MIRROR 暗指追星影響細路！
吳香倫都走去追「蔥頭」陳榮峻大鬧：乜架都俾你丟晒
吳香倫發現她的學生為追捧偶像蔥頭，做出種種不當行為，認為蔥頭荼毒年輕人，及後暗中觀察蔥頭跟粉絲見面的情況，期間發生了小意外，令她對蔥頭完全改觀。容儀有了極大轉變，瞞着道德、Bonnie成了「追星族」，幹出不少過份的行徑。另一邊廂，尚善、力蓮得知蔥頭的粉絲中出現了一些害群之馬，大大影響後援會的聲譽，決定要設局捉拿搞事份子。不過陳榮峻見吳香倫為追蔥頭而受傷，他大罵：「你搞咩呀？身為一校長，一把年紀竟然仲走去迷戀小鮮肉，真係乜架都俾你丟晒！」
即睇片重溫：
《愛回家》狂寸ViuTV藝人 193都有份
《愛回家》1643集中以「蔥頭」暗寸完姜濤之後，早前再寸193斥資7數開cafe，劇中對白：「我開呢間cafe唔係為咗賺錢，係為咗可以有個地方同粉絲聚會。」又提到開cafe想與大家分享自己演藝事業的心得。反觀193當時開cafe就講過：「做生意都要賺錢㗎，係咁㗎喇，有人做生意會講係分享自己理念，我唔會講呢啲，我直接講要呃你哋錢，我就係要賺錢。」
《愛回家》借大小姐把口抽193水
《愛回家》大小姐龍力蓮劇中是蔥頭忠粉，她細佬Terry（李偉健飾）見蔥頭開cafe分享自己演藝理念有樣學樣。不過龍力蓮就極力反對：「燈油火蠟、人工、食材，虢礫緙嘞全部都係錢，開一間cafe起碼要7位數字！」剛巧193郭嘉駿投資七位數開cafe，疑似再搵位暗寸。而且大小姐強調人地蔥頭名氣大、粉絲多，先做到明星效應賺到咁多，相反Terry就無人識，賺唔到錢。
大小姐重提「虛火論」
《愛回家》1643集抽完「7位數開cafe」、「唔係為賺錢」後，到1644集再出手。劇情講到Terry自己開cafe，但主題騎呢，大小姐訓斥Terry客人到訪只為打卡放上網呃Like：「嗰啲虛火嚟㗎！」疑似抽水陶傑批評MIRROR的「虛火論」。
《愛回家》愛抽MIRROR水 陳浚霆粉紅色西裝扮Anson Lo
《愛回家》中的大小姐龍力蓮（林淑敏）非常冧蔥頭，對可愛小鮮肉全完冇抵抗力，之前第1643集佢仲專程去蔥頭開的cafe打卡兼支持。到今集劇情講到，男同事們知道大小姐鍾意蔥頭，故此扮可愛來逃避責罵。陳浚霆本身對男生扮可愛大為反感，更批評蔥頭繼而遭大小姐責罵，為咗「保命」佢都要放低自尊扮可愛，幫手賣「紅妹」啤酒廣告。
TVB有心思 陳浚霆扮Anson Lo贈慶
陳浚霆見扮可愛有效，所以決意改變形象，可惜如廁期間遭一名黑衣蒙頭男毆打，原因就是討厭他大男人卻要扮可愛，陳浚霆被打期間更大叫：「唔好打面！唔好打頭！」不少網民都留言表示想幫手一齊「中」陳俊霆！TVB並非第一次抽MIRROR水，不過今次「時間啱啱好」，事關有教主之稱的Anson Lo（盧瀚霆）正正今日（7月7日）生日，想不到TVB如此落力為友台當紅小生慶祝。另一方面，有精明嘅觀眾指今次唔只抽水Anson Lo，就連「紅妹啤酒」都似是影射住Edan早前拍攝「藍妹啤酒」廣告，大包圍抽水抽夠本！
