「怪物新人」NewJeans有望擊敗BLACKPINK 網民分析3大爆紅原因

Aug 4 2023

韓國女團NewJeans，無預警下2022年出道，由3位韓籍成員、2位越澳、韓澳籍成員組成，平均年齡只有16歲。NewJeans只有短短1年NewJeans就已經火速爆紅，被封為「怪物新人」，每首單曲、專輯橫掃各大排行榜！一齊了解吓3大爆紅原因！

NewJeans主打清新無害「新牛仔褲」個名原來係咁！

NewJeans成員主打清新、無害的清純外表，曲風活潑青春，NewJeans的名字由來原來係因為製作人閔熙珍認為音樂每日都會出現喺我哋生活當中，就好似我哋著衫咁，牛仔褲就係經歷咗唔少時代的變遷同考驗下，一直流行的衣物，所以NewJeans寓意像一條永不過時的牛仔褲。

NewJeans爆紅原因︳網民分析：似80後港女feel

NewJeans爆紅程度已普及香港，有網民就分析到底呢班平均年齡只有16歲的妹豬有咩咁特別。其中一大原因就係NewJeans無害的清純外表，唔少網民認為已經睇厭咗濃妝以及過度調整一式一樣的容貌，呢款純天然的外表非常順眼「因為呢十年睇親好多女團，都整到一樣樣，又賣性意識型態，所以好反感，來到NEW JEANS 終於唔同」「終於反璞歸真」「唔睇十幾歲妹豬，唔通睇幾廿歲咩」但有網民指出成員金玟池 Minji個鼻係調整過。其次有網民認為NewJeans的復古造型有啲似80後港女feel，變得好有親切感！