微辣︳霍哥17歲「黑歷史」出土 被網友瘋狂p圖勁好笑

流行娛樂

廣告

微辣藝人霍哥早前被封為YouTuber清泉,大讚佢為人正能量又支持小店等。近日霍哥哥的17歲舊相被翻出,po咗上facebook群組,仲俾網民瘋狂p圖,搞到霍哥哥哭笑不得!

霍哥最不滿係po咗上「想當年」群組!

霍哥在社交媒體facebook上出post表示,有觀眾PM他,指他被爆出了黑歷史,霍哥緊張之餘結果發現是自己模特兒時期的照片,他哭笑不得地說:「做咩無啦啦要我面對自己!你邊位龍友啊!同我企出嚟!」似乎對被爆舊相非常無奈,但最令他介意的竟然是,他被放相的地方是一個名為「老餅」的群組,變相令成件事很「Old School」。

霍哥哥埋怨到哭笑不得
霍哥哥埋怨到哭笑不得(圖片來源:facebook@jeffreyfok224 截圖)
霍哥 對比相當大
對比相當大(圖片來源:facebook@jeffreyfok224)

清秀激似甄子丹網民震驚

舊照曝光後網民非常驚訝,指霍哥非激似甄子丹,而且非常感嘆,表示:「好青澀, 好pure, 果然係清泉。」「歲月不饒人啊~點先可以由青靚白淨變到依家咁猥瑣」,「同而家比正人君子好多。」,「受咗咩刺激?」「以前靚仔咁多!」不過同樣有網民表示喜歡現在的霍哥多一點,因為更加有內在美同善解人意咁話。但都有網民指出,霍哥一笑的話,就成個人徹底崩壞,勸大家唔好咁多幻想。

霍哥 當年又真係唔差
當年又真係唔差(圖片來源:facebook@jeffreyfok224)
霍哥 又真係有幾分似唔係講笑
又真係有幾分似唔係講笑(圖片來源:IG@donnieyenofficial)

被網民瘋狂改圖 霍哥:唔好p細

自霍哥放出自己呢張圖上ig之後就俾網民不斷改圖改成電影機械人,又改成日本牛郎!

霍哥
(圖片來源:ig@jeffreyfok_224)
霍哥 霍哥仲回應:唔好p細!
霍哥仲回應:唔好p細!(圖片來源:ig@jeffreyfok_224)
霍哥
(圖片來源:ig@jeffreyfok_224)

霍哥被封為微辣清泉

微辣平台早前因為藝人生活檢點問題捲入品牌形象風波,其中一位藝人大文更被爆疑似出軌,他在IG發文表示退出微辣所有幕前工作事件重創微辣公司的形象,而霍哥似乎未受影響,被稱為微辣中的清泉。

霍哥 微辣霍哥雖然成日攬女,不過有網民大讚佢係微辣入面嘅清泉。
微辣霍哥雖然成日攬女,不過有網民大讚佢係微辣入面嘅清泉。(圖片來源:IG@jeffreyfok_224)
霍哥 霍哥日前現身動漫節,更以一身《鬼滅之刃》戀柱的造型現身,相常搶眼!
霍哥日前現身動漫節,更以一身《鬼滅之刃》戀柱的造型現身,相常搶眼!(圖片來源:IG@jeffreyfok_224)

霍哥剃鬚剪髮後被讚人帥心善

霍哥以往一頭長髮加滿面鬍鬚實被網民形容樣子猥瑣,近日霍哥一改形象剃鬚及剪短頭髮,網民紛紛大讚「靚仔」、「好睇好多」、「順眼返好多」、「冇鬚靚仔啲後生啲」、「應該唔會俾人話係變態佬」。更有網民藉此大讚霍哥人品「又有愛心、又會支持小眾運動、又樂於助人」。

霍哥 生活照
霍哥現時剪短頭髮兼剃鬚,網民指他不像以前一樣猥瑣。(圖片來源:ig@jeffreyfok_224)
霍哥 霍哥以前長頭髮加留鬚,再加上經常攬女拍片影相,令網民覺得他樣子猥瑣。
霍哥以前長頭髮加留鬚,再加上經常攬女拍片影相,令網民覺得他樣子猥瑣。(圖片來源:IG@
jeffreyfok_224)

霍哥3大重點成微辣清泉

1.撐小店關心小眾

霍哥雖然很多影片都有女嘉賓作招徠,但他近年有拍攝關於特色小店的影片,帶出小店因疫情關係經營困難甚至結業。網民大讚霍哥以行動支持小店。

霍哥 磨刀霍Vlog#131|旺中亂蕩|教你點樣同你條女行街?的片段
網民大讚霍哥撐小店。(圖片來源:YouTube@Jeffrey Fok霍哥哥)

另外,霍哥亦曾拍片宣傳香港小眾運動——競技啦啦隊。令更多觀眾了解本地競技啦啦隊和運動員背後所付出的心血。網民留言讚:「佢係好有心做,好有心度好橋,好為人著想」,並大讚霍哥拍片不為私利「用自己影響力去做啲好嘅事」。

霍哥 霍哥玩競技啦啦隊的相片
霍哥早前與香港競技啦啦隊拍片,實試不同動作以及讓觀眾明白運動員背後的心血。(圖片來源:ig@jeffreyfok_224)

2.親民有禮貌

霍哥在街上拍片時,期間被不少途人認出兼打招呼,他統統都會禮貌回應,甚至有途人要求合照時,他亦會友善與大家合照。亦有網民表示自己朋友做幕後曾與霍哥合作,紛紛都讚他好有禮貌。

霍哥 霍哥與網民直播聊天
霍哥在街上開直播與網民聊天。(圖片來源:YouTube@Jeffrey Fok霍哥哥)
霍哥 霍哥拍片時與路人合照
霍哥拍片時不介意與途人合照。(圖片來源:YouTube@Jeffrey Fok霍哥哥)

3.做義工散播愛心正能量

霍哥間中會抽空做義工,早前他曾到「人人流浪狗澳門義工團」幫狗狗洗澡。日前,他在香港工作時主動到深水埗明哥做義工幫忙派飯,了解基層市民的需要。霍哥在片中更細心地列出步驟,告知大家如何支持和幫助基層市民。此舉令網民佩服,有網民表示雖然霍哥是澳門人,但都會了解香港基層的生活,大讚:「真係好服你!」

霍哥 霍哥早前到深水埗做義工與支持明哥。
霍哥早前到深水埗做義工與支持明哥。(圖片來源:IG@jeffreyfok_224)

霍哥 霍哥幫狗狗洗澡。
霍哥幫狗狗洗澡。(圖片來源:facebook@人人流浪狗澳門義工團Everyone Stray Dogs Macau Volunteer Group)
霍哥 網民評論。
網民評論。(圖片來源:YouTube@Jeffrey Fok霍哥哥)

撰文:東方新地圖片來源:IG@donnieyenofficial、facebook@jeffreyfok224、ig@jeffreyfok_224、YouTube@Jeffrey Fok霍哥哥資料或影片來源:原文刊於東方新地