前微辣藝人雲吞七夕放閃玩「抖音食播」 法律系碩士女友曝光

流行娛樂

廣告

《微辣》前藝人雲吞當年因為私生活不檢點,疑似「一腳踏兩船」事件後「被雪」,事後都甚少於微辣露面,更被微辣的藝人名單上除名。不過消失於微辣已久的雲吞仍久久未能被網民忘記,昨日(4日)正正係七夕的大日子,雲吞於ig放閃疑似公開其女友,仲大玩食播,原來雲吞人在內地!

微辣 雲吞
(圖片來源:ig@wonton___tai7)

雲吞疑似女友曝光 女方係法律系碩士生

雲吞於ig story疑似放上一條放閃影片,影片可見2人在地上的倒影,手牽手行路,雲吞仲打上一句「七夕快樂」加一個心心的emoji,顯示其2人的親密關係!因雲吞tag翤其女方ig,令女方曝光!女方為健身模特兒,身材出眾,學歷係碩士級數,喺澳門大學法律系碩士畢業。從照片可見女方經常接不同的平面硬照工作,曾參加多個選美比賽。唔少網民對此感到驚訝「微垃個肥x雲吞條女貢能正嘅…」「呢個世界公平咩」「雲吞又食到女」不過都有網民質疑女方容貌疑似升級「張相有邊忽係真,p到成幅畫咁」「硬膠」「個鼻好假」「18年啲相同而家都唔同」

微辣 雲吞 2人拖著手
2人拖著手(圖片來源:ig@wonton___tai7)

女方靚相欣賞:

雲吞疑鋪路北上搵人仔?

雲吞story中,放上了一條食播片,介紹珠海一間餐廳,食小龍蝦等內地知名食物,片中食得津津有味,仲附上簡體字幕,似足內地抖音食播片,似乎為北上發展鋪路?!上年微辣雲吞在霍哥的個人Vlog中現時忙緊開鋪老闆,不過未算正式交代。

微辣 雲吞
(圖片來源:ig@wonton___tai7)
微辣 雲吞
(圖片來源:ig@wonton___tai7)

關鍵詞
雲吞微辣
圖片來源:ig@wonton___tai7,ig@ritatatang