微辣經理人阿晶親揭與加蔥分手真相:加蔥錯過我!分手當晚細節一一披露!
撰文:東方新地|圖片:阿晶IG、《同Lou同煲》YouTube影片截圖|編輯:海月、HM(部份原文刊於:東方新地)
![阿晶話同加蔥拍拖時,冇一次拗贏佢,每一次嘈交都係加蔥贏﹗(圖片來源:同Lou同煲影片截圖)](https://imgs.orientalsunday.hk/wp-content/uploads/2021/06/laochengi_196505431_300030975172334_3103075359918885500_n-1_190569244160d30dfbc417c-819x1024.jpg)
微辣阿晶:加蔥錯過咗我
微辣經理人阿晶為Jacky Lou的YouTube頻道「同Lou同煲」任嘉賓,Jacky Lou話同阿晶有共同朋友,所以入行前已認識,大讚阿晶好賢淑,同以前讀書時的MK妹好唔同﹗點知阿晶自cue:「可惜加蔥錯過咗我﹗」笑自己係自cue王,然後唱出《那些年》歌詞「那些年錯過的大雨,那些年錯過的愛情…」
![微辣經理人阿晶親揭與加蔥分手真相 結婚成分手導火線](https://imgs.orientalsunday.hk/wp-content/uploads/2021/06/92320ae8-6518-4d23-b42e-3550d416be24_142365117660d30ad724a9f-1024x735.jpeg)
阿晶認與加蔥分手想離開微辣
Jacky Lou同阿晶玩快問快答,問阿晶有冇離開微辣的念頭,阿晶坦言:「有呀﹗情緒病病得嚴重嗰時,同埋同加蔥啱啱分手嗰時想離開﹗我同加蔥分手嘅原因都係我想離開微辣嘅原因,我嘅情緒已經負荷唔到我嘅工作同我身邊嘅人,我只會將自己嘅情緒壓落身邊嗰個人度﹗」
![微辣經理人阿晶親揭與加蔥分手真相 結婚成分手導火線](https://imgs.orientalsunday.hk/wp-content/uploads/2021/06/a861c2ae-e957-425b-bbdc-0b605d79e87a_43643223160d30adf388a7-1024x783.jpeg)
阿晶爆分手導火線:加蔥唔想結婚
Jacky Lou問阿晶:「即係你唔想拖累加蔥而分手?」阿晶答係並將分手過程首度公開:「有一晚我同加蔥傾到結婚問題,我有啲想逃避自己嘅屋企,因為我屋企有啲問題啦,加蔥就話佢唔想結婚,我feel到佢講出嚟係好唔想傷害我﹗所以我冇嗌交只係話『不如我哋分開啦﹗』我屋企發生好多嘢,我身體又好差啦﹗我唔想再同佢捆綁埋一齊,我覺得我已經拖累咗佢﹗」
![微辣經理人阿晶親揭與加蔥分手真相 結婚成分手導火線](https://imgs.orientalsunday.hk/wp-content/uploads/2021/06/34d7b9ab-727d-4583-90cc-c43c24bf419f_55072377760d30af64db59.jpeg)
阿晶:想加蔥知我好需要佢
阿晶話其實好矛盾:「一方面我好想推開佢,唔想連累佢,但又好想佢知我需要佢,其實嗰時發生好多嘢,佢都唔知嘅﹗我覺得唔可以係咁,我要自己走番出嚟,但如果同加蔥一齊,我係會依賴佢﹗嗰時我覺得生存都好難,我連對加蔥都面對唔到,淨係喺屋企喊,喊足五日﹗」
![微辣經理人阿晶親揭與加蔥分手真相 結婚成分手導火線](https://imgs.orientalsunday.hk/wp-content/uploads/2021/06/89c24fd0-ae37-40c5-b1b2-89aef693872c_103066980860d30b6e14627-1024x813.jpeg)
阿晶解釋點解公開分手詳情,係唔想粉絲再鬧加蔥、自己或其他女仔,阿晶喊住話:「點解分咗手仲連累緊加蔥?加蔥同我一齊為咗我,已經好多嘢冇得拍,佢應該可以行得更加遠,加蔥係好適合喺舞台發光熱發熱嘅人,但同我一齊時要顧及我情緒,到分咗手都仲要被人批評﹗我會好嬲我啲粉絲去鬧加蔥唔識珍惜我,我想講真係唔係加蔥嘅錯囉﹗」
![微辣經理人阿晶親揭與加蔥分手真相 結婚成分手導火線](https://imgs.orientalsunday.hk/wp-content/uploads/2021/06/772873fa-1448-4483-8cc0-54f194492488_191875870260d30b7c56632-1024x814.jpeg)
阿晶擇偶條件只有一人符合
阿晶喊到收唔到聲,Jacky Lou安慰之餘同大家講今後唔好再胡亂猜測阿晶同加蔥分手原因﹗待阿晶情緒平復後,問到阿晶的擇偶條件,阿晶話鍾意眼細嘅男仔,唔係特別鍾意肥仔,阿昌話:「唔可以太瘦、尖臉型,鍾意方方臉嘅男仔」更指「有紋身同有穿耳窿會加分」,擺明係講緊加蔥﹗
![微辣經理人阿晶親揭與加蔥分手真相 結婚成分手導火線](https://imgs.orientalsunday.hk/wp-content/uploads/2021/06/feecbf30-4cb4-4838-afa8-20770dc48157_92472889960d30b7f71d28-1024x817.jpeg)
阿晶加蔥分手後首合體開live
加蔥阿晶傳復合,阿晶更在自己頻道孖住加蔥開直播,網民見到二人合體,紛紛送上祝福,阿晶否認復合,但就預告給大家知加蔥的未來動向,指他即將到香港拍劇,到香港接受隔離前會先去打疫苗,阿晶對加蔥的身體狀況瞭如指掌:「加蔥朝早起身會頭暈。」阿晶再爆加蔥諱疾忌醫,唔肯去做身體檢查﹗
![阿晶同加蔥自年初公布分訊後,首次合體開直播,網民留言送祝福﹗(圖片來源:阿晶YouTube頻道截圖)](https://imgs.orientalsunday.hk/wp-content/uploads/2021/06/7cea81e2-414e-400f-aaff-27158ae2beb1_37946115260cf35d458e19-1024x558.jpeg)
加蔥在直播中表現好拘謹,阿晶拍佢膊頭叫佢「放鬆啲」,加蔥仍然帶點尷尬同阿晶話:「我哋平時唔係咁㗎﹗」阿晶再話:「冇復合,係朋友,不過又未係好朋友﹗」又指加蔥平時喺街見到會避開佢,加蔥就話:「唔係咁好嘅,係應該要咁做嘅,咁你同第二啲男仔一齊吖嘛﹗」阿晶即雙手拍打加蔥,睇嚟關係絕非一般朋友關係咁簡單﹗
![阿晶表現淡定自然,反而加蔥好拘謹,又表示今次只是為阿晶做技術人員﹗(圖片來源:阿晶YouTube頻道截圖)](https://imgs.orientalsunday.hk/wp-content/uploads/2021/06/ce834ff7-2d3f-4dde-beb3-a0fb17d27674_3509789160cf363af2b8d-1024x568.jpeg)
後來嘉賓慧慧到來前,加蔥便先行離去,阿晶就話:「因為我好耐冇做直播,有啲驚,所以叫咗加蔥陪吓我先﹗」又指直播地方正是加蔥的辦公室。阿晶請來慧慧為大家介紹生命靈數,阿晶最關心竟然是加蔥的所屬號碼,並請慧慧為計出加蔥的生命靈數及解說他的外在及內在性格,阿晶對加蔥的關注度不似她口中的普通朋友喎﹗
![阿晶雙手拍打加蔥,網民指二人似在打情罵俏﹗(圖片來源:阿晶YouTube頻道截圖)](https://imgs.orientalsunday.hk/wp-content/uploads/2021/06/2589c0a3-840d-4b4f-95fc-d5c14a7caf88_45754185460cf36930cf90-1024x557.jpeg)
加蔥結婚對象是誰?
儀仔與加蔥同是微辣幕後員工,不時也會客串微辣的節目,加蔥與儀仔自2021年10月開始拍拖…詳情請看
阿晶對加蔥結婚有何回應?
阿晶對於加蔥結婚未有正面回應。不過近日前上傳一張照片,當中字裡行間卻有所暗示,網民猜測…詳情請看