微辣Manner︳藝人極速復出？霍哥打拳、雞wing出贊助片？！

Aug 18 2023

YouTube Channel微辣因為辣前經理人阿晶（Jane）於上個月25日離世事件，人氣急劇下滑，今個月更宣布暫停更新微辣Channel。事隔多天，陸續有微辣成員上水宣布退出及千字文道歉回應等。而鍾培生邀霍哥同周永恆打拳擊擂台戰一事，有「微辣清泉」之稱的霍哥成為最快出返嚟的藝人後，微辣成員雞wing都上水出片？

微辣Manner︳雞wing上水拍片仲有廣告？

微辣成員雞wing突擊喺自己YouTube Channel出片，去咗蘭卡威島拍片，影片內容仲疑似有廣告有贊助。不過被網民捉到後，而家該影片已經下架。唔少網民見到都驚訝，估唔到微辣成員可以咁快上水出片「仲有面做公眾人物賣廣告」「罷買」但都網民體諒雞wing可能簽咗約要交貨所以先出片，而且認為雞wing唔係微辣最主打的藝人嚟「明顯係佢唔再出片冇錢洗，咁嘅時候都要出贊助片，似簽左約唔交貨要賠」「都要搵食架，成世匿埋唔蒲頭咩」「除咗拍片佢仲可以做啲咩」」「呢個都係微辣邊緣人，成日啲嘢無預佢」

微辣Manner︳網民勸雞wing早日退出

微辣成員雞wing係最早期加入微辣嘅成員之一。阿晶離世後，唔少微辣藝人被洗版，而雞wing都有中招，不過都有唔少留言只係奉勸雞wing早日退出「雞wing認真嘅其實我好鍾意睇你啲片，所以作為你的fans，我勸你早啲退啦，真心我覺得呢個時勢就應該要走㗎喇，留喺度只會令更多麻煩嘅嘢上，你有咁多才華，人品又好必定有很多更好機會嘅」