加蔥, 微辣, 林茂發, 生日, Mirror, 盧瀚霆, 花姐

微辣加蔥變身粉紅教主與Anson Lo睇齊 生日有應援巴士自嘲似車頭相

流行娛樂

廣告

微辣加蔥(真名林茂發)近月由澳門來港開工,又拍了多輯《今日VIP》,訪問到人氣偶像Mirror盧瀚霆及經理人花姐。雖然加蔥加入MIRROR夢碎,但12月15日是加蔥生日,有微辣成員就為他整了全架粉紅色的應援巴士在港九行駛,吸引到不少網民爭住話要去打卡,亦有網民就話似立法會議員拉票﹗

文:東方新地|圖:[email protected]__official、[email protected][email protected]|編輯:HM(原文刊於:東方新地)

微辣加蔥獲粉紅應援巴士賀壽

微辣加蔥今日(15日)生日,有應援在巴士賣廣告賀他生日,全架粉紅色的巴士在港九行駛相當亮眼,巴士車頭有一張美圖特效的加蔥大頭相,以及印上其真名「林茂發」並有「發仔世一 生日快樂」,加蔥的粉紅教主號112號巴士會行駛九龍香港區,一班微辣好友都提大家記得打卡﹗

微辣加蔥 巴士應援 粉紅教主
微辣加蔥早前訪問教主盧瀚霆Anson Lo,更即場在教主面前表演魔術﹗(圖片來源:[email protected]
微辣加蔥 巴士應援 粉紅教主
微辣加蔥把握機會問盧瀚霆經理人花姐:「Mirror仲有冇位?我想突破自己想加入Mirror﹗」花姐爆笑回覆指Mirror冇位,但ViuTV清潔阿姐有位,又反推銷自己指有意加入主持行列,勁搞笑﹗(圖片來源:[email protected]

微辣加蔥自嘲似車頭相

微辣加蔥在生日當日貼出粉紅教主號留言,並hashtag「車頭相」:

司機哥哥,辛苦你啦,雖然你應該睇唔到,但都想同你講聲,呢單嘢唔係我跟開﹗

網民留言指加蔥終於如願變身粉紅教主「不過係Anson No」、 「粉紅教主,生日快樂」、 「呀姐望住張車頭相仲以為係咩新議員參選咁」。

微辣加蔥 巴士應援 粉紅教主
微辣加蔥生日有應援巴士,加蔥的嘜頭印在粉紅教主號上,行駛港九區﹗(圖片來源:[email protected]

微辣加蔥應援巴士幕後金主原來係多姐

壽星加蔥早一晚已得知呢份大禮,在IG即時動態轉貼並tag微辣多姐「你條八婆」,原來呢份大禮係多姐的精心傑作,為身在香港的加蔥賀壽,多姐轉貼加蔥早前在直播中獲知有呢份大禮時還寸嘴表示:「我唔驚,安排吖,我好開心呀,玩大啲吖﹗我唔驚呀﹗」點知多姐認真籌備,送呢份驚喜,加蔥抵死話呢個仇一定會報:「畀你開心多一個月,我返嚟一定會回禮」。

微辣加蔥 巴士應援 粉紅教主
前一晚應援巴士變身粉紅教主號,加蔥tag多姐「你個八婆」,原來係多姐有份課金的精心傑作﹗(圖片來源:[email protected]
微辣加蔥 巴士應援 粉紅教主
巴士上大大隻字寫住加蔥真名「林茂發」,加蔥的粉紅色西裝同成架粉紅教主號毫無違和感﹗(圖片來源:[email protected]
微辣加蔥 巴士應援 粉紅教主
加蔥百無禁忌自嘲似車頭相﹗(圖片來源:[email protected]

新粉紅教主號開車 六毫子寸爆「林茂發呢個名點樣出道?」

微辣官網亦貼出相片,並寫道:「新·粉紅教主號,可遇不可求,聽日見到記得打卡呀!預祝新·粉紅教主,生日快樂,多謝舊·粉紅教主嘅精心準備。」微辣老闆六毫子都忍唔住留言問:「 林茂發呢個名點樣出道?」有網民回覆:「不如叫LMF啦﹗」亦有網民tag盧瀚霆,並指兩個教主可以battle吓,相當搞笑﹗

微辣加蔥 巴士應援 粉紅教主
微辣加蔥同多姐(Doris)是一對歡喜冤家,經常互相傷害﹗(圖片來源:[email protected]
微辣加蔥 巴士應援 粉紅教主
多姐的IG有24萬人追蹤﹗(圖片來源:[email protected]
巴士正面有加蔥大大個頭像,並印有其英文名Nathan及生日日期﹗
巴士正面有加蔥大大個頭像,並印有其英文名Nathan及生日日期﹗(圖片來源:[email protected]
粉紅教主號後面,大半架巴士咁大的加蔥,真係搶眼﹗
粉紅教主號後面,有大半架巴士咁大的加蔥,夠晒搶眼﹗(圖片來源:[email protected]
微辣加蔥親自回應網民﹗
微辣加蔥親自回應網民﹗(圖片來源:[email protected]
加蔥
(圖片來源:[email protected]
加蔥
(圖片來源:[email protected]
加蔥
(圖片來源:[email protected]__official)

YOU MAY ALSO LIKE ...