彭于晏突然有求必應 男友力十足盡量滿足女粉絲 襯衫揀唇膏關心乜都有？！

有求必應男友上身彭于晏

現時疫情問題出國隔離走唔甩，好多藝人隔離期間都喜歡直播同粉絲傾計互動互動，彭于晏都唔例外。近年長於內地發展的彭于晏最近疑似都要係上海進行隔離，唔少網民發現隔離期間的彭于晏竟然經常親自回覆粉絲！除咗點讚粉絲圖片、祝福生日快樂之外，仲暖男上身幫粉絲揀唇膏、襯衫，貼心度超高！幫粉絲揀唇膏時回覆仲超可愛，直問：「有差嗎？」似足直男唔識分女生的唇膏顏色！好多粉絲得知男神咁親民後，即紛紛私訊！

不少網民笑指彭于晏係咪真係太悶，只要tag襯佢都會回覆。

揀衫、唇膏咩都肯做！彭于晏會唔會太誇張？！

超暖男回覆

除咗有問必答之外，有網民本來只是想被男神點like下相，點知竟然被男神關心做咩成日打邊爐，彭于晏即被粉絲譽為「最暖的男藝人」！粉絲們得到彭于晏的回覆都超開心，指要請彭于晏食一萬次邊爐。

彭于晏仲要唔止單單覆1、2句，仲會同粉絲聊天，超親民！彭于晏被讚回應超謙虛，指自己只係無聊。