極限挑戰

強國5大山寨節目《極限挑戰》99% match

流行娛樂

廣告

強國電視台近年瘋狂購入韓國綜藝節目,單係《Running Man》嘅版權費,就已經令SBS電視台獲得300億韓元利潤(約2億港元)。有錢,冇理由唔賺啫,於是韓國各個電視台都非常樂意將旗下嘅綜藝節目版權以天價賣出。但另一邊廂,有錢,都唔一定要比你賺啫,強國電視台就醒啦,將舊錢去搵啲大星返嚟做主持,有收視又有冠名費,版權是什麼?會飽肚的嗎?山寨節目愈來愈多,睇下邊個跟得最足。

text:Phoebe

抄到5年前 好嘢

由東方衛視製作嘅《極限挑戰》由黃渤、孫紅雷、黃磊、王迅、羅志祥、男團EXO成員張藝興作固定主持,每集都有唔同嘅考驗,而喺闖關時,會收到唔同嘅指令同提示。就好似喺7月時播出嘅第4集,主要係話6位主持通過匿名電話接到任務,要佢哋喺限定時間內,喺圖書館搵出示紙條再拆除炸彈,間期製作為加強效果而引爆車輛。內容、拍攝角度以及情節同MBC黃金綜藝節目《無限挑戰》2011年時所播出嘅「SPEED特輯2」一模一樣。跟到咁足,以為佢有版權,sor,一樣係冇,因為中國版已經被央視買入,預計10月底播出。不過,即使係山寨,又即使連MBC都出聲話過份,但《極》依舊播映當中。

 

播完即抄

曾擁有KBS《兩天一夜》版權嘅四川衛視,第1季搵嚟吳宗憲、韓星安七炫等人主持,喺約滿之後,成功吸收當中嘅精髓,隨即打造出《明星家族的2天1夜》,並搵嚟李菲兒、周韋彤、卜學亮,以及韓星安宰賢等人做主持。節目主要係喺中國境內進行2日1夜嘅旅遊(藉此推動當地旅遊業),過程中加插不同嘅遊戲挑戰。對於被指侵權,製作人就話過:「韓國嘅綜藝節目唔似歐美咁有所謂嘅版權,只係有製作授權,韓版叫《HAPPY SUNDAY》,四川衛視引進時翻譯成《兩天一夜》,並且喺國家商標局進行咗註冊,只不過當時冇公示。」

死性不改?10個iPhone 6s跪求改進PK位

星級歐遊 咁啱啫

由湖南衛視製作嘅《花兒與少年》,主要係由2位少年,喺有限嘅旅費之下,帶住5位姐姐去歐遊,由租酒店、租車到伙食安排都要靠自己。節目整個形式,同韓國tvN嘅《花樣姐姐》一!模!一!樣!以為佢有版權?Sorry,係冇嘅。冇咩回應?都係冇囉。
至於有同tvN買入版權嘅東方衛視,節目當然可以叫《花樣姐姐》啦,旅遊地點就選擇咗土耳其同意大行,並搵嚟林志玲、徐帆、王琳、奚美娟、宋茜擔任姐姐,而馬天宇同李治廷就做導遊。

死性不改?10個IPHONE 6S跪求改進PK位

假想情侶 一街都係

由湖北衛視同韓國CJ集團一齊打造嘅《如果愛》,搵嚟6對中、港、韓、台嘅明星通過節目相知相戀,並且去到世界各地體驗真正戀人生活,節目已經發展到第2季,2PM燦盛、李光洙等人都有份玩。雖然內容構思同韓國MBC嘅《我們結婚了》真係好似,不過真正嘅版權其實係由江蘇衛視所擁有,而喺今年播映時,節目名改為《我們相愛吧》,並搵嚟SJ成員崔始源、林心如等人做假想情侶。

自創等同抄襲?

江蘇衛視聲稱自創嘅《明星到我家》搵嚟張栢芝、黃聖依等女星,「嫁」到去雲南農村(連拜堂呢個環節都要做埋),成為農村媳婦,落田、餵豬、洗衫、煮飯等一腳踢之餘,當然要服侍埋奶奶啦。雖然話係自創,但唔知點解玩法同韓國JTBC嘅《偉大的嫁人》一模一樣?

YOU MAY ALSO LIKE ...

There is 1 comment

Add yours

Comments are closed.