張致恒

張致恒抖音直播老婆雯雯直接踩場 經理人代回應二人婚姻傳聞

流行娛樂

張致恒的太太日前在社交網上發下感性文,大講關係結束,令人不禁聯想二人的婚姻是否亮起紅燈,而早前,張致恒在內地工作,期間玩抖音開直播,太太雯雯竟直接留言,搞到張致恒要急急忙忙關閉直播,對於二人的傳聞,張致恒終透過經理人對外作出回應。

撰文:八卦妹|圖片來源:[email protected]_mama、[email protected][email protected][email protected]新Monday、抖音@張致恒|編輯:HM(部份原文刊於:東方新地)

張致恒經理人承認雯雯心情差

張致恒的婚變傳聞甚囂塵上,老婆雯雯於社交網出po講「關係結束」,經過多日發酵,張致恒透過經理人回應傳媒,表示張致恒正身在內地開工,澄清婚變只屬傳聞,不過就承認日前雯雯心情不好,張致恒多謝大家的關心及報道,仲話因為返國內工作,雯雯要照顧小朋友有時壓力大。對於張致恒是否要花時間氹回雯雯,經理人表示張致恒會去處理,他們會沒事的,現階段張致恒好努力工作搵錢養家,不過他的家事就不方便講太多。

張致恒近月北上工作,留低老婆雯雯全力湊仔。
張致恒近月北上工作,留低老婆雯雯全力湊仔。(圖片來源:[email protected]
張致恒透過經理人表示雯雯近日心情很差。
張致恒透過經理人表示雯雯近日心情很差。(圖片來源:[email protected]
張致恒 老公不在身邊,雯雯話照顧頭家身心疲累,今日11月19日)又在社交網留言令個仔受傷。
老公不在身邊,雯雯話照顧頭家身心疲累,今日(11月19日)又在社交網留言令個仔受傷。(圖片來源:[email protected]_mama)

直播中途雯雯殺出

身在內地工作的張致恒,應該了解到雯雯全職湊仔的辛酸,不過就愛莫能助。有網民留言透露日前張致恒仍有心情玩抖音直播,期間他的老婆雯雯突然留言:「打畀我!」據說當時張致恒匆匆唱埋首歌就收檔,應該是急住回雯雯電話,老婆要踩入直播搵人,應該都好大件事。

身在內地的張致恒,原來仲有心情玩抖音直播。
身在內地的張致恒,原來仲有心情玩抖音直播。(圖片來源:抖音@張致恒)
網民在討論區爆料,指張致恒玩抖音直播時,佢老婆雯雯突然踩場。
網民在討論區爆料,指張致恒玩抖音直播時,佢老婆雯雯突然踩場。(圖片來源:Facebook討論區截圖)
在香港撈唔掂,張致恒近年返內地搵人仔。
在香港撈唔掂,張致恒近年返內地搵人仔。(圖片來源:微博@張致恒steven)

張致恒 是非未停過

張致恒近年負面新聞不絕,與太太區燕雯(雯雯)於19年奉子成婚,兩年抱兩,一腳踏兩船又欠債的新聞,令他形象插水,更曾一度被迫轉行,雖然婚姻關係不被看好,但他曾揚言會努力搵錢養家,照顧太太及兩個仔。

張致恒與雯雯兩年抱兩,一家三口不時晒幸福。
張致恒與雯雯兩年抱兩,一家四口不時晒幸福。(圖片來源:[email protected]_mama)
雯雯經常為老公張致恒講說話,夫妻關係看似和睦。
雯雯經常為老公張致恒講說話,夫妻關係看似和睦。(圖片來源:[email protected]_mama)

雯雯 突然感性撰文

早前幫兒子報學校遭歧視,張致恒老婆雯雯繼續維護老公,不過昨日(11月17日),雯雯突然在IG感性撰文,文中提及關係結束,外界猜測是與張致恒關係生變。雯雯在限時動態上載一張單人相並留言:「每一段關係嘅結束,都係為咗有更好嘅將來。每一個選擇,都係考慮得好清楚之後嘅路點樣係最好。沒有仇恨沒有怨恨,對日後會更好。」她的留言沒有講明與誰結束關係,非常耐人尋味。

張致恒 雯雯突然在IG限時動態感性發文。
雯雯突然在IG限時動態感性發文。(圖片來源:[email protected]_mama)
張致恒日前生日,雯雯亦有在社交網祝他生日快樂。
張致恒日前生日,雯雯亦有在社交網祝他生日快樂。(圖片來源:[email protected]_mama)
雯雯叫張致恒繼續做個好爸爸。
雯雯叫張致恒繼續做個好爸爸。(圖片來源:[email protected]_mama)

人妻人母唔易做

全職媽媽從來都唔易做,雯雯既要照顧只有2歲的天寶和1歲的天牧,還要擔心老公張致恒,相信身心都疲累,日前她曾在社交網寫文訴辛酸,她說:「生咗小朋友嘅媽媽,有冇發現自己愈嚟愈冇存在感,亦都唔知道自己嘅存在價值喺邊。呢兩日我簡直係崩潰狀態,照顧住兩個小朋友,再加上好多屋企唔同嘅突發事,再加埋自己病得好犀利,無論係心理身體生理都完全錯晒。上呼吸道炎,如果除咗長期戴口罩,有其他辦法唔會傳到畀屋企就好。」據知張致恒因工作不在香港,雯雯在這個時候講關係結束,唔通真係頂唔順?

張致恒 雯雯日前大呻做全職媽媽的辛酸。
雯雯日前大呻做全職媽媽的辛酸。(圖片來源:[email protected]_mama)
張致恒 雯雯留言表示自己愈來愈冇存在感,為照顧屋企已去到崩潰狀態。
雯雯留言表示自己愈來愈冇存在感,為照顧屋企已去到崩潰狀態。(圖片來源:[email protected]_mama)
張致恒 雯雯近日要照顧兩個仔,自己病埋仲要處理家事,非常淒涼。
雯雯近日要照顧兩個仔,自己病埋仲要處理家事,非常淒涼。(圖片來源:[email protected]_mama)

張致恒 為愛兒報讀幼稚園遭歧視

正所謂「禍不及妻兒」,但總是有人會將兩者聯想起來,全因張致恒2歲兒子張天寶已到可入讀幼稚園之年,作為爸爸的張致恒當然要為愛兒尋找心儀的學校,但當張致恒為仔仔報名時,卻遭到學校校長歧視,令張致恒大為氣憤,更在社交網上發文表示:「其實真係好嬲,雖然我係曾經犯過好多錯,大家唔原諒我唔緊要,但係點解我同個仔去報名幼稚園要畀個校長歧視,難道我個仔就唔配讀書嗎?有一個咁樣嘅爸爸就唔可以係呢個社會立足嗎?你作為一個幼稚園嘅校長講到自己唔會放過任何一個教小朋友嘅機會,就要講到明因為我嘅原因唔畀我個仔機會讀書嗎? 邊間幼稚園我就唔講啦,費事話我影響佢名氣!」

張致恒 張致恆
張致恒大仔張天寶今年已兩歲大。(圖片來源:[email protected]
張致恒
(圖片來源:[email protected]

相關文章:

張致恒禍累下一代?發文大呻為愛兒報讀幼稚園遭歧視

網友鬧爆:唔係歧視,係驚你冇錢交學費

張致恒的貼文一出,有不少媒體報導,網友看到後也紛紛留言直指張致恒自己所犯的過錯,現已累到下一代:「唔係歧視,係驚你冇錢交學費,或者驚有人去幼稚園追債」、「自己累咗個仔,仲好意思攞出嚟講」、「驚佢欠學費唔肯交」、「一向都係父債子還㗎啦。唔係未聽過呀」、「信用評價丫,大佬。影響三代」、「與其指責人歧視,不如檢討吓自己點解畀人感覺不可信~ 禍害個仔嘅係身為人父嘅自己囉~」等等。

張致恒
(圖片來源:[email protected]新Monday)
張致恒
(圖片來源:[email protected]新Monday)
張致恒
(圖片來源:[email protected]新Monday)

雯雯:佢只係犯咗10個有9個男人會犯嘅錯

張致恒太太雯雯看到廣大網友都大鬧她的老公張致恒,昨晚(26日)即在其社交網上列出十個重點來反擊網友,為老公出頭:

雯雯留言全文:
1. 我個仔冇報任何名校。
2. 我個仔冇報任何喺九龍塘嘅學校 。
3. 我個仔係未做任何學校嘅面試。
4. 身教係好重要,但係我個仔爸爸唔係殺人犯,佢只係犯咗10個有9個男人會犯嘅錯,咁樣並唔代表佢個仔一樣會犯呢個錯。
5. 我個仔只有兩歲半,佢將來會係一個點樣嘅人冇人可以預知,所以冇人有資格去批評佢。
6. 如果一個小朋友連面試都未面,個校長就話唔收,咁樣會唔會太過有問題。

7. 我哋從來冇渴望過一定要入呢間學校,冇接觸過個小朋友就話唔收,我都唔會想我小朋友讀一間咁樣嘅學校。
8. 你哋全部都只係睇表面,只係喺度停留係一件2019年發生嘅事,而家都已經2021年,如果呢段時間你哋係有喺張致恒身邊同佢相處,兩年後嘅佢係一個點樣嘅人,你就有資格去講,但係如果你仲停留喺兩年前,咁不如你而家了解咗先去評論咁多嘢。
9. 我哋係窮,但係並唔代表我個小朋友冇資格去讀書。
10. 我係唔會畀任何一個機會有人可以去傷害我嘅小朋友!

張致恒 張致恒2019年在兒子張天寶出世三個月後,宣布迎娶粉絲雯雯,但卻因此被爆出「一腳踏五船」醜聞,令其形象插水,翌年二人再誕下細仔張天牧。
張致恒2019年在兒子張天寶出世三個月後,宣布迎娶粉絲雯雯,但卻因此被爆出「一腳踏五船」醜聞,令其形象插水,翌年二人再誕下細仔張天牧。(圖片來源:[email protected]

YOU MAY ALSO LIKE ...