張致恒老婆雯雯間接數臭老公3宗罪 暗指自己自作先受？！
雯雯間接數臭老公3宗罪
昨日，雯雯在傍晚於社交平台發表長文，並表示自己「只會講一次，亦不會私下回覆所有，所以唔需要不斷炸我」。雯雯疑似受網民的留言影響，並藉此表達不滿和回應，不過字裡行間就疑似爆埋張致恆婚後狀況出嚟，又借錢唔還、偷食出軌等。
1）張致恒周身債
雯雯疑似回應還錢的留言，表示「如果你搵我係想講我老公曾經問你借錢而又未還錢嘅，好抱歉，我都冇錢」。此言論間接道出，張致恒疑似向人借錢不還錢，以致債主向雯雯追債。同時，亦間接指出張致恒一家有財政困難。
2）張致恒有人格問題
其次，雯雯表示「如果你搵我係想講我老公佢係一個咩人、人格係點、有咩缺點。我諗我同佢認識左10幾年，結左婚4年都應該夠了解」。她間接表示有網民向她指出張致恒的缺點和人格問題。不過雯雯疑似懶理網民，堅持遵從自己的看法。
3）張致恒花心出軌外遇
同時，雯雯亦間接承認自己老公張致恒花心和出軌，表示「如果你搵我係想講同過我老公有野又或者佢出軌，我諗我只可以答你，就算係事實，其實對我都冇乜影響。我相信目前嘅我唔會因為呢啲咁嘅嘢，而影響到我嘅生活，又或者情緒。再講，我選擇得同一個公眾人物結婚，我諗好難免有好多個唔同嘅你哋出現搵我」。這表明雯雯不時收到張致恒出軌的資訊。不過，雯雯疑似見怪不怪，表明自己已有心理準備，亦同時帶出有唔少想爆張致恒大鑊，仲用過嚟威脅雯雯？！
雯雯結果都係堅持唔離婚？
最後，雯雯表示「如果你哋任何一個想公開曝光一切，你哋即管可以做，不會影響到我。不過你哋公開，佢冇工作，一樣不會有錢比你地。你哋話希望將所有嘅事實放喺我心裏面。其實冇咁嘅必要，我選擇得而家嘅路我就要自己去承受」，雯雯表明自己會承受一切，直言不受網民影響。
她亦指「如果你哋嘅目的係想我哋離婚，我諗我可以同你講你講我已經有我嘅路行。若果我真係要離婚，我諗我可以有好多原因。但係一定唔會係，因為一個又一個嘅你地嘅故事。」疑似回應自己現時不會離婚。
重溫張致恆完美演繹「死性不改」老婆又要離婚啦！
今年10月雯雯被發現unfollow老公IG，更將她IG上所有關於張致恆的照片都刪去，當時再次惹來婚變傳聞。事後雯雯表示：「佢都唔玩IG，我IG淨係Follow咗我嘅家人。」又謂：「想專注返三個仔同埋三隻狗，唔想再咁多話題。」。
