張致恒疫情下一家五口無屋住 老婆雯雯陀住第三胎周街走

突然無屋住 好崩潰！

37歲藝人張致恒（Steven）偷食而家老婆雯雯之後被喻為世紀渣男，爆出多單戀情，情史多到數唔晒。之後事非連連，同老婆雯雯結婚之後唔係傳出爭人錢，無錢還，但細屋搬大屋。早段時間再爆出離婚的消息，終於極速復合之後再宣布有咗第三胎。今日老婆雯雯喺IG先後出咗篇story自爆俾業主通知要終止合約，深感無奈「日日睇新聞已經夠負面，但尋日收到嘅消息，完全令我崩潰成晚瞓唔到覺，一瞓着就彈起身喊！疫情嚴重到咁，周圍病菌，我又好快生，兩個仔又咁細，業主先話終止合約，我完全覺得好無助。」疫情咁嚴重仲要一家人要帶住2個仔加上寵物要周街走！

熱心嘅網民都有關心雯雯狀況，搵資料俾雯雯，人間有愛。

雯雯原來有試圖打去求望可以改變業主決定，可惜未能如願，仲表示「大公司就係大公司」，係咪意指大公司無情講呢？佢仲表示要帶住細又帶住寵物，唔知去邊先安全。張致恒睇嚟並唔係屋企照顧懷孕嘅雯雯？搞到雯雯要一個人處理晒所有嘢，唔怪之得雯雯咁無助啦！

張致恒一家真係一波三折，希望佢地搵到間屋可以安心安胎！