張致恒內地登台走音唱《死性不改》 網民批：你真係死性不改！
廣告
人稱「張致痕」的張致恒，因為近年關於他偷食出軌的新聞不斷被爆出，更自爆「嗰方面上癮」後，令網民都對佢噓聲一遍。而他在鍾培生舉行的《培生擂台：無敵盃》上，慘被YouTuber 大J力壓，睇到唔少觀眾都拍手叫絕。
張致恒內地登台走音唱《死性不改》 網民批：你真係死性不改！
貴為「時間管理大師」曾一腳踏五船的張致恒，近日疑想修心養性發奮搵真銀，積極北上工作，希望賺錢養家兼還債。近日他出席一個樓盤開幕活動，有內地網民上載一則他獻唱經典歌曲《死性不改》的影片，張致恒身穿酒紅色西裝再加一頭曲髮，配上「無敵唱功」，令網民都不禁嘲笑：這破音，這唱功，還記得03年出道的Boy’z嗎？」。
走音小王子
而在影片中他的唱功十分不穩，臨近走音邊緣點知真係走音，有網民就忍唔住恨批「這破音嚇親我了」，直指他唱得難聽，更指「終於找到一個比陶大宇唱得差的了」。
拍片自認：「好X難聽」
張致恒之後都特登再拍片解釋：「其實當日我係喉嚨痛嘅，再加上我明白自己係一個沒有實力嘅歌手，多謝你哋嘅留言，令我更有努力上去進步嘅決心，不過都真係要講句……真係好X難聽，影響到你哋嘅耳仔唔好意思。」
港網民：死性不改？
香港網民睇完都得啖笑，直指：「要返大陸登臺即係證明冇錢了」、「咁都可以唱歌」、「想講台下啲阿伯識唔識佢係邊個，定係跟埋個孫嚟 ，湊熱鬧？」、「咁唱法真係死性不改」。
圖片來源：抖音截圖
