張致恆夫婦求網民「捐錢」呼籲大家唔駛再介紹工作俾佢

張致恒承認1件事唔夠成熟

在最新的網上發文中，Steven坦承在生小朋友前沒有足夠的深思熟慮，並解釋了目前無法工作的原因。他表示：

「多謝大家關心，其實我已經有兩份工作不用再介紹我工作。如果我冇錢係因為我唔去做嘢，俾大家鬧我冇所謂，但我而家因為冇人照顧小朋友，所以我出唔到個門口，事實上一個大人照顧唔到四個咁細嘅小朋友，仲要有一個係需要特別照顧。呢個係我哋生之前唔夠成熟，冇安排好。」

張致恒唔想還錢有原因：依家長期都係負

儘管目前家庭經濟狀況不佳，Steven仍然表示會一步步改善現狀。他承諾一旦家庭情況穩定下來，他會逐一還清所有的債務。他感謝那些真心幫助過他們的人，並希望他們能夠體諒自己目前的困難。「多謝真心幫助過我哋嘅人，到我們安頓好，我一定會逐一去還錢畀你哋，我依家呀唔係唔想還錢，而係根本依家長期都係負，多謝真心幫我哋嘅人體諒我哋。」

網民：好似一年前已經咁講？

對於張致恒的解釋，網民似乎都唔多收貨，認為「到我們安頓好，我一定會逐一去還錢畀你哋」已經聽張致恒講過無數次，更認為唔理解一個成人無法照顧4個小朋友的說法「點樣唔可以一個人照顧到」「冇錢揸個的士咪踩多幾更，點會真係冇錢」「照顧唔到就咪搞x生啦」「而家先話生之前冇安排好」「又係呢番說話，咩咩安頓好再還錢，好似一年前已經咁講」「又兩份工又要照顧細路 即係點」「雯雯係咪有心泵四個出嚟 從而等佢唔可以抽身 只可以湊仔」

張致恒疑似財困上傳收款QR Code求網民「捐錢」

張致恒曾透露自己沒有穩定的工作，這無疑加劇了家庭的經濟壓力。在不到一星期的時間內，他（3月2日）在社交媒體上公開了收款QR Code，並以絕望的語氣求助：「我知道呢個唔係一個明智嘅決定，但係我真係已經去到頂唔順嘅地步，過埋呢個月所有嘢都可以回復正常，所以真係求求大家幫吓手。」

事後，不少網友鬧爆：「有手有腳唔做嘢、成日話走投無路」「姓張個嗰兩公婆簡直不知所謂」「阿康介紹佢入行啦」「其實佢無拎綜援咩？」

張致恆夫婦一兒有自閉症及過度活躍症

據悉，張致恆與區燕雯的夫妻關係因經濟狀況多次出現磨擦。在香港這個高消費的城市，撫養四個孩子的經濟壓力可想而知。而近日，雯雯在社交媒體上自爆，家中的其中一名孩子被診斷出患有自閉症及過度活躍症，這無疑加大了照顧的難度，也令雯雯感到更加疲憊。

雯雯的無助：我該怎樣走下去

在另一方面，雯雯的社交媒體發文則顯得更加悲觀。她寫道：「問題已經步向解決，但我過不到現在，究竟怎辦？不會有奇蹟，我該怎樣走下去」。這段話流露出她對當前困境的無助和對未來的迷茫，而為了緩解照顧孩子的壓力，夫妻倆已經聘請了家庭工人。然而，由於種種原因，工人姐姐大概需要兩個月後才能到達他們家中提供幫助。在這段艱難的等待期間，雯雯坦言，即使是短短的幾個月，對她來說也是難以捱過的挑戰。